(ភ្នំពេញ)៖ អ្នកគួកជេរដីម្នាក់រួមនិងបក្ខពួកច្រើននាក់! ត្រូវបានជនរងគ្រោះជាម្ចាស់លុយ អះអាងថា៖ បាន(ឆបោក)លុយពីខ្លួនប្រមាណជាង០១លានដុល្លារ។
ក្រោមរូបភាពលក់ដីខ្យល់ ចំនួន២៧ហិកតា នៅភូមិតាំងគោក ឃុំតាំងក្រាំង ស្រុកបាធាយ ខេត្តកំពង់ចាម។
ដោយធ្វើលិខិតផ្ទេរកម្មសិទ្ធក្លែងបន្លំមេដៃ និងបានបង់ពន្ធប្រថាប់ត្រាទៀតផង ចុងក្រោយជនរងគ្រោះប្រគល់លុយឱ្យគ្រប់ចំនួន ស្រាប់តែម្ចាស់ដីដើម ចេញមុខអះអាងថា៖ ខ្លួនមិនបានលក់ដីទេ ហើយក៍ពុំបានទទួលលុយអ្វីដែរ!។
ពោលគឺ លុយនៅលើដៃឈ្មួញកណ្ដាល អ្នកគួកជេរដីតែម្ដង ខណៈក្រោយមានប្រតិកម្ម អ្នកគួកជេរដីរូបនោះ បានវេចលុយរត់គេចខ្លួនបាត់ស្រមោល!។
ជនរងគ្រោះបានថ្លែងប្រាប់ថា៖ជន(ឆបោក)ឈ្មោះ ឃី ម៉ានិត ភេទប្រុសអាយុអាយុ៣៧ឆ្នាំ នៅផ្ទះលេខ១៤២A ផ្លូវលេខ១៤៦ភូមិ៣ សង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ។
ដើមចមដំបូង កាលពីអំឡុង ខែមិថុនា ឆ្នាំ២០២០ ឈ្មោះ ឃី ម៉ានិត ដែលជាឈ្មួញកណ្ដាល ឬ(ហៅថាអ្នកគួកជេរដីរៀបដី)។
បានទទួលលុយពីខ្លួន ជាបន្តបន្ទាប់ ចំនួន៤ទៅ៥លើក មានកុងត្រាលក្ខខណ្ឌ ត្រឹមត្រូវសរុបជាង០១លានដុល្លារ។
ដោយថា៖ យកលុយទៅប្រមូលទិញដីស្រែប្រាំង ពីពលរដ្ឋចំនួន២៧ហិកតា ស្ថិតនៅភូមិតាំងគោក ឃុំតាំងក្រាំង ស្រុកបាធាយ ខេត្តកំពង់ចាម ដើម្បីផ្ទេរកម្មសិទ្ធឱ្យមកជនរងគ្រោះ ។
លុះដល់អំឡុង ខែកក្ដដា ឆ្នាំ២០២០ ឈ្មោះ ឃី ម៉ានិត បានរត់ការផ្ទេរកម្មសិទ្ធបង់ពន្ធប្រថាប់ត្រា រួចរាល់ មកអោយជនរងគ្រោះប្រាកដមែន!។
ខណៈនោះជនរងគ្រោះ ក៍បានប្រគល់លុយបង្គ្រប់ឱ្យជនសង្ស័យឈ្មោះ ឃី ម៉ានិត គ្រប់ចំនួន ដើម្បីយកដីមកគ្រប់គ្រង!។
ប្រភពដដែលបន្តថា៖ ក្រោយកាន់កាប់ដីបានរយៈពេលជាង១ខែ.ស្រាប់តែម្ចាស់ដីដើម ។
ចេញមុខតវ៉ាថា៖ គាត់មិនបានលក់ដីនេះទេ ហើយក៍មិនបានទទួលលុយពីឈ្មោះ ឃី ម៉ានិត អ្វីដែរ..? ចំពោះស្នាមមេដៃនៅក្នុងលិខិតទិញលក់ដីនោះ គឺពុំមែនជាស្នាមមេដៃរបស់ខ្លួនឡើយ!។
បន្ទាប់មកក៍មានប្រតិកម្មស្រាវជ្រាវរកការពិត ខណៈ ឈ្មោះ ឃី ម៉ានិត បានយកលុយ រត់គេចខ្លួនបាត់ស្រមោល រីឯស្នាមមេដៃជា មេដៃក្លែងបន្លំ។
ទោះជាយ៉ាងណាក៍ដោយ៖ ជនរងគ្រោះជាម្ចាស់លុយ តាមរយៈសារព័រមានថា បានប្រកាសដាក់ឱសានវាទឱ្យជនសង្ស័យឈ្មោះ ឃី ម៉ានិត ជាជន(ឆបោក) ដែលកំពុងរត់គេចខ្លួន ។
ត្រូវចូលខ្លួនមកដោះស្រាយអោយបានមុនថ្ងៃទី២៤.០២.២០២១ បើមិនដូច្នេះទេ ខ្លួននិងប្ដឹងពីបទ(ឆបោក) ចាត់ការតាមច្បាប់មិនខាន..!៕