ព្រៃវែង៖បើយោងតាមប្រជាពលរដ្ឋរស់នៅជិត បឹងស្នេហ៍ ទួលពាន់តាឡី ឃុំធាយ ស្រុកបារភ្នំ ខេត្តព្រៃវែង បានប្រាប់ថា សត្វស្លាប ភាគច្រើន សត្វចង្កៀលខ្យង បានងាប់រាប់រយក្បាល ក្នុងរយ:ពេល បី បួនថ្ងៃមកនេះ មិនដឹងមូលហេតុទេ ឃើញវាទុំលើមែកឈើសុកៗ ក៍ស្រាប់តែធ្លាក់ចុះ ប្រកាច់ងាប់ ខណ:សត្វរាប់រយក្បាលផ្សេងទៀត ហើរតិចៗចុះទឹក ហែល ចុះ ឡើងៗ យើងជាមនុស្សទៅជិត ក៍វាមិនហើរដែរ ទំនង វាមានជម្ងឺហើរ មិនរួច ។
ជុំវិញករណីនេះ ព្រឹកថ្ងៃទី២១ ០៣ ២០២១ លោក ទេព ភារុន អភិបាលស្រុកបារភ្នំ បានមានប្រសាសន៍ប្រាប់ភ្នាក់ងារpnnថា ខ្ញុំបានចាត់ឲ្យ មន្ត្រីបសុពេទ្យចុះពិនិត្យតាមដានមើលហើយ ហើយក៍បានរាយការណ៍ជូន មន្ទីរកសិកម្មរុក្ខាប្រមាញ់ និងនេសាទខេត្តព្រៃវែង និងមន្ទីរបរិស្ថានខេត្តព្រៃវែង ឲ្យចុះមកពិនិត្យ រកមូលហេតុ នៃការងាប់សត្វទាំងនោះ ។
លោកបន្តថា ឃើញសត្វភាគច្រើនចុះមកផឹកទឹ ទំនងវាក្តៅពេកទេដឹង បានជាវាងាប់ ហើយមន្ត្រីជំនាញៗ បានប្រាប់ថា គេនឹងមកចុះពិនិត្យនៅថ្ងៃស្អែក ។ ដ្បិតយើងមិនដឹងថា វាមានមេរោគអ្វីទេ ហើយបារម្ភបំផុតនោះខ្លាច វាមានជម្ងឺឆ្លងពីសត្វ មកមនុស្សថែមទៀតផង ។
គួរកត់សម្គាល់ថា ចាប់តាំងពី ការផ្ទុះឡើងនូវការរីករាលដាល នៃជម្ងឺកូវីដ-១៩ ឆ្លងចូលសហគមន៍២០ គុម្ភ: ស្ទើរតែគ្មានភ្ញៀវទេសចរណ៍ ទៅទស្សនា មើលសត្វស្លាប បឹងស្នេហ៍ នោះទេ៕