មណ្ឌលគិរី៖ ករណីបទល្មើសព្រៃឈើដ៏សម្បើមជាងគេមួយ ដែលឈ្មួញប្រើប្រាស់រថយន្តទំនើបពីរគ្រឿងម៉ាក់Tundra លួចដឹកឈើប្រណិតខុសច្បាប់ចេញ សឹងតែរាល់យប់ យ៉ាងកក្រើកនៅតាមបណ្តោយផ្លូវជាតិលេខ៧៦A ត្រង់ចំណុចភូមិម្ជូរអណ្តូងក្រឡឹង ឃុំសែនមនោរម្យ ស្រុកអូររាំង ខេត្តមណ្ឌលគិរី។
យោងតាមប្រភពពីលដ្ឋបានឲ្យដឹងថា មានរថយន្តទំនើបពីរគ្រឿងម៉ាកTundra ពណ៌សរ (មិនចាំស្លាកលេខ)លួចដឹកឈើប្រណិត(ប្រភេទឈើឃ្លុម)ខុសច្បាប់ចេញសឹងតែយប់ ជាពិសេសគឺយប់រំលងអាធ្រាត ត្រង់ចំណុចខាងលើយ៉ាងរំភើយដូចជាព្រឺរោមជាមួយសមត្ថកិច្ចមន្ត្រីជំនាញអ្វីសោះឡើយ។
ប្រភពដដែលបានបន្តថា សមត្ថកិច្ចមន្ត្រីជំនាញ មានព្រោងព្រាង ទាំងកម្លាំងឈរយាមប្រចាំការតាមដងផ្លូវ តែហាក់ដូចមិនអើពើនឹងរថយន្តបទល្មើសខាងលើសោះ បែរទំនងជាឈរយាមការពារឲ្យឈ្មួញប្រព្រឹត្តិបទល្មើសខុសច្បាប់យ៉ាងរលូនទៅវិញ។
អាស្រ័យនេះ សូមស្នើដល់ក្រសួងពាក់ព័ន្ធមេត្តចុះមកត្រួតពិន្យមើលផង បើមិនដូច្នេះទេ ព្រៃឈើខ្មែរច្បាស់ជារលាយរលត់អស់ហើយទាន៕
#ចាន់មុនី
