កណ្តាល៖កម្លាំងនគរបាលចាប់ខ្លួនបុរសម្នាក់ជាឪពុកចុងបានចាប់រំលោភសេពសន្ថវៈកូនដើម ជាច្រើនដងនិងគំរាមបង្ហោះសកម្មភាពរួមភេទ។ករណីចាប់ខ្លួននេះនៅថ្ងៃទី១៥ ខែកុម្ភៈ ឆ្នាំ២០២១ក្នុងភូមិលេខ៤ សង្កាត់ស្វាយរលំ ក្រុងតាខ្មៅ ខេត្តកណ្តាល។
មន្ត្រីសមត្ថកិច្ចបានឱ្យដឹងថា៖ករណីចាប់រំលោភសេពសន្ថវៈនេះតាំងពីថ្ងៃទី៧ ខែមិថុនា ឆ្នាំ២០២០ដល់ថ្ងៃទី៣១ខែធ្នូ ឆ្នាំ២០២០មកម្លេះនៅក្នុងផ្ទះជនរងគ្រោះ ។ ជនរងគ្រោះជាកូនដើម អាយុ១៦ជាសិស្ស ម្តាយបង្កើតឈ្មោះ ច.រ ស.ស អាយុ៣៦ឆ្នាំ បានលែងលះប្តីមុនមកយកប្តីក្រោយ។ចំណែកជនសង្ស័យជាឪពុកចុងឈ្មោះ ទេព តុលា ភេទប្រុស អាយុ ៣៥ឆ្នាំ មុខរបរជាងម៉ាស៊ីនត្រជាក់។
មន្ត្រីដដែលបានបន្តថា៖ ឪពុកម្តាយបង្កើតជនរងគ្រោះ បានលែងលះគ្នា៤ឆ្នាំមកហើយ ដោយមានកូនចំនួន៣នាក់ ជនរងគ្រោះជាកូនទី១។មកដល់ថ្ងៃទី៧ ខែមិថុនា ឆ្នាំ២០២០ម្តាយជនរងគ្រោះក៏បានរៀបការប្តីមួយទៀតឈ្មោះទេព តុលាបន្ទាប់ពីជនរងគ្រោះបានចូលរួមផឹកស៊ីស្រវឹងដេកលក់រហូតដល់ពាក់កណ្តាលយប់ ឪពុកចុងក៏បានឡើងទៅចាប់រំលោភនាងរហូតបានសម្រេចម្តង។បន្តបន្ទាប់មកទៀតរំលោភបានសម្រេចដល់ទៅ៨ដង។
តាមការសាកសួរជនសង្ស័យបានឆ្លើយថា៖ខ្លួនពិតជាបានរួមភេទជាមួយជនរងគ្រោះបានសម្រេចជាច្រើនដងប្រាកដមែន។ តែមិនបានចាប់រំលោភទេគឺដោយសារការព្រមព្រៀងត្រូវរ៉ូវគ្នា។បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលក្រុងតាខ្មៅ ដើម្បីចាត់ការតាមនីតិវិធី៕
