ខេត្តបន្ទាយមានជ័យ ៖ រថយន្តសុទ្ធតែជាប្រភេទស៊េរីទំនើបជាច្រើនគ្រឿង មានចង្កូតឆ្វេងនិងស្តាំ ដែលត្រូវបានមន្ត្រីគយចាប់ដោយសារគ្មានពន្ធនិងឯកសារនៅខេត្តបន្ទាយមានជ័យ រហូតមកទល់នៅក្នុងឆ្នាំ២០២១នេះ ។
មន្ត្រីគយនិងរដ្ឋាករការិយាល័យស្រាវជ្រាវ និងបង្ក្រាបអំពើរត់ពន្ធនៃអគ្គនាយកដ្ឋានគយនិងរដ្ឋករបានប្រាប់ នៅថ្ងៃទី១៥ កុម្ភៈ ថា ជាការណែនាំពីក្រសួងសេដ្ឋកិច្ចនិងហិរញ្ញវត្ថុដាក់ផែនការពីអគ្គនាយកដ្ឋានគយនិងរដ្ឋាករ ដើម្បីប្រមូលពន្ធជនរដ្ឋនិងស្រាវជ្រាវនិងបង្ក្រាបអំពើរត់ពន្ធ ហើយមន្ត្រីជំនាញបានខិតខំយកចិត្តទុកដាក់អនុវត្តការងារប្រមូលពន្ធជូនរដ្ឋជាភារកិច្ចយ៉ាងសំខាន់ ត្រូវអនុវត្តអោយបាន។
មន្ត្រីគយនិងរដ្ឋាករបានបញ្ជាក់ថា ជាការខិតខំប្រឹងប្រែងរបស់មន្ត្រីជំនាញ បានបង្ក្រាបអំពើរត់ពន្ធឃាត់ចាប់រថយន្តគ្មានពន្ធនិងគ្មានឯកសារត្រឹមត្រូវ បានឃាត់មករក្សាទុកនៅការិយាល័យស្រាវជ្រាវនិងបង្ក្រាបអំពើរត់ពន្ធខេត្តបន្ទាយមានជ័យជាច្រើនគ្រឿង ដើម្បីអនុវត្តតាមច្បាប់រហូតដល់ឆ្នាំ២០២១នេះ។
មន្ត្រីគយនិងរដ្ឋាករបានបញ្ជាក់ថា រថយន្តដែលត្រូវបានមន្ត្រីជំនាញឃាត់ មានពាក់ស្លាក់លេខក្លែងបន្លំ ដែលភាគច្រើនត្រូវបានបង្ក្រាបពីឈ្មួញដែលរកស៊ីលក់ដូរខុសច្បាប់៕
