មណ្ឌលគិរី៖ នៅរសៀលថ្ងៃអាទិត្យទី២១ ខែមីនា ឆ្នាំ២០២១ អាជ្ញាធរមានសមត្ថកិច្ច មន្ត្រីជំនាញរដ្ឋបាលព្រៃឈើដោយទទួលបានសេចក្តីរាយការណ៍ពីពលរដ្ឋបានចុះមកធ្វើការរឹបអូស ឈើប្រភេទឈើឃ្លុំស្រឡៅមុខកាត់ ៤០ ប្រវែង ៥ ម៉ែត្រ ចំនួន ៧ ដើម ដែលឈ្មួញរកស៊ីឈើខុសច្បាប់លួចយកមកទម្លាក់ទុក នៅចំណុចព្រៃខាងក្រោយភូមិឡៅកា សង្កាត់សុខដុម ក្រុងសែនមនោរម្យ ខេត្តមណ្ឌលគិរី។
នេះបើយោងតាមពលរដ្ឋបានឲ្យដឹងថា ច្រើនមានឈើជាច្រើនកំណាត់ ដែលឈ្មួញរកស៊ីឈើខុសច្បាប់ លួចដឹកយកមកទម្លាក់ទុករួចនឹងដឹកចេញ នៅទីតាំងខាងលើនេះ។ រហូតមកដល់ពេលនេះ ទើបបានរាយការណ៍ទៅខណ្ឌរដ្ឋបាលព្រៃឈើ បានមកធ្វើការរឹបអូសឈើដែលនៅសេសសល់។
គួរជម្រាបថា ខេត្តមណ្ឌលគិរី ដែលជាខេត្តស្តាយក្រោយ និងនាំចេញឈើច្រើនជាងគេ បានស្ងប់ស្ងាត់មួយរយៈធំ ខណៈឧកញ៉ាជាឈ្មួញរកស៊ីឈើខុសច្បាប់ធំៗ ជាច្រើននាក់ត្រូវបានចាប់ខ្លួន កន្លងមក ទើបតែថ្មីៗនេះ បទល្មើសធនធានធម្មជាតិបានចាប់ផ្ដើមកម្រើកឡើងវិញជាបន្តបន្ទាប់ ក្នុងខេត្តមណ្ឌលគីរីនេះ៕វ៉ាន់មុនី
