ភ្នំពេញ៖បុរសម្នាក់ជិះម៉ូតូក្នុងល្បឿនយ៉ាងលឿនបានជ្រុលទៅបុករថយន្តធំដឹកទំនិញពីក្រោយ ដែលកំពុងចតសប់កង់លើចិញ្ចើមផ្លូវបណ្តាលឱ្យស្លាប់ភ្លាម។ហេតុការណ៍នេះកើតនៅតាមបណ្ដោយផ្លូវលេខ ១០៤ក្នុងភូមិថ្មីសង្កាត់ទៀន ខណ្ឌដង្កោកាលពីយប់ទី២១ខែមីនាឆ្នាំ២០២១។
មន្ត្រីសមត្ថកិច្ចបានឱ្យដឹងថា៖សពជនរងគ្រោះឈ្មោះ ខែម រ៉ាវីត ភេទប្រុស អាយុ២០ឆ្នាំជាសិស្ស មានស្រុកកំណើតភូមិក្បាលសេះ ឃុំគោកត្រប់ ស្រុកកណ្តាលស្ទឹង ខេត្តកណ្តាល ។
មន្ត្រីបន្តថា៖ជនរងគ្រោះជិះម៉ូតូម៉ាក ហុងដាឃ្លីកពាក់ផ្លាកលេខ កណ្តាល 1AA.9158បើកបរក្នុងល្បឿនលឿនបានជ្រុលទៅបុករថយន្តពីក្រោយ ពាក់ផ្លាកលេខ ព្រះសីហនុ 3A.7802 ដែលកំពុងឈប់សប់កង់លើចិញ្ចើមផ្លូវពេញទំហឹង បណ្ដាលឱ្យបោកផ្ទប់រថយន្ត បែកក្បាលស្លាប់ភា្លម ចំណែកតៃកុងរថយន្តរត់គេចខ្លួនបាត់៕