ព្រះសីហនុ៖បុរសម្នាក់បានស្លាប់ភ្លាមបន្ទាប់ពីរូបគេបានបើកកង់បីទៅបុករថយន្តកុងតឺន័រពីក្រោយដែលខូចចតលើចិញ្ចើមផ្លូវជាតិលេខ៤ក្នុងភូមិបទគគីរ ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុកាលពីវេលាទៀបភ្លឺចូលថ្ងៃទី២៣ ខែមីនាឆ្នាំ២០២១។
សមត្ថកិច្ចបានឱ្យដឹងថា៖អ្នកបើករថយន្តកុងតឺន័រឈ្មោះ គា កាន់ ភេទប្រុស អាយុ ២៧ឆ្នាំ ទីលំនៅភូមិក្រាំងអំពិល ឃុំកណ្តឹងស្រុកបាទី ខេត្តតាកែវ ត្រូវនគរបាល ហៅទៅសាកសួរ អ្នកបើកកង់បីឈ្មោះ គឹម សំភាស់ភេទប្រុស អាយុ ៣៥ឆ្នាំទីលំនៅភូមិផ្សារលិច សង្កាត់ព្រែកភ្នៅ ខណ្ឌព្រែកព្នៅ ។
មន្ត្រីដដែលបានបន្តថា៖មុនពេលកើតហេតុគេឃើញកង់បី ធ្វើដំណើរពីខេត្តព្រះសីហនុ ទៅភ្នំពេញ ស្រាប់តែបុកកុងតឺន័រដែលខូចចតចោលលើផ្លូវពីក្រោយ បណ្ដាលឱ្យអ្នកបើកកង់បីស្លាប់មួយរំពេច។ក្រោយកើតហេតុសមត្ថកិច្ច ចុះដល់ទីតាំងវាស់វែងយកវត្ថុតាងទៅរក្សាទុក ដើម្បីរង់ចាំដោះស្រាយតាមនីតិវិធី៕