បន្ទាយមានជ័យ ៖សមាជិកក្រុមប្រឹក្សាសង្កាត់ប៉ោយប៉ែតម្នាក់នៃក្រុងប៉ោយប៉ែតខេត្តបន្ទាយមានជ័យនិងបក្ខពួកពីរនាក់ផ្សេងទៀត ត្រូវកម្លាំងសមត្ថកិច្ចចាប់ខ្លួនកាលពីព្រឹកថ្ងៃទី២៩ ខែមីនា ឆ្នាំ២០២១នៅម្តុំស្ដារហ្គោលក្នុងភូមិសាមគ្គីមានជ័យ សង្កាត់/ក្រុងប៉ោយប៉ែត ពាក់ព័ន្ធការដឹកមនុស្សជាជនបរទេសឆ្លងដែនខុសច្បាប់ទៅប្រទេសថៃ។
កម្លាំងកងទ័ពព្រំដែនបានឱ្យដឹងនៅថ្ងៃទី២៩ខែមីនាឆ្នាំ២០២១ថា ៖ ជនទាំង៣នាក់ដែលត្រូវ ឃាត់ខ្លួននេះឈ្មោះ យឹម នៅ អាយុ៤៧ឆ្នាំ ជាសមាជិកក្រុមប្រឹក្សាសង្កាត់ប៉ោយប៉ែតដែលទើបចូលជំនួសថ្មី)រស់នៅភូមិសាមគ្គីមានជ័យ សង្កាត់-ក្រុងប៉ោយប៉ែត ជាអ្នកនាំមនុស្ស ។៖ឈ្មោះ ចាន់ ណារ៉ុង អាយុ៤០ឆ្នាំ បុគ្គលិកកាស៊ីណូ ម្ចាស់ផ្ទះលាក់ខ្លួន និងឈ្មោះ ដែង ជុំ អាយុ៤៦ឆ្នាំ។
សមត្ថកិច្ចបានបន្តថា ៖មុនពេលឃាត់ខ្លួនឈ្មោះ យឹម នៅ បានបើកបររថយន្តម៉ាក Camry ផ្លាកលេខ ព្រះសីហនុ2A-1354 ដឹកមនុស្ស៥នាក់ សង្ស័យជនជាតិថៃ លួចឆ្លងដែនទៅប្រទេសថៃ ហើយអ្នកទាំង៥នាក់ បានរត់ចូលទឹកដីថៃបាត់ បន្សល់ទុកវាលីសដាក់ខោអាវ។
លោកវរសេនីយ៍ នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត បានប្រាប់ឱ្យដឹងថា ៖ កិច្ចសហការគ្នា ជាមួយអង្គភាពផ្សេងទៀតបានចាប់ជនសង្ស័យ៣នាក់ នាំមនុស្សឆ្លងដែនខុសច្បាប់ពិតមែន ហើយត្រូវបញ្ជូនទៅសួរនាំ ដើម្បីចាត់ការបន្ដតាមនីតិវិធី៕
0
សមាជិកក្រុមប្រឹក្សាម្នាក់និងបក្ខពួកត្រូវចាប់ខ្លួនករណីនាំមនុស្សឆ្លងដែនខុសច្បាប់ទៅថៃ
Filed in: សន្តិសុខ សង្គម