(កណ្ដាល)៖ ពិតជាស្គាល់មុខតែមិនស្គាល់ចិត្តមែន.ប្ដីប្រពន្ធ២នាក់ ខំទៅដូរក្រវិលកំប៉ុងយកស្រាផឹក។
លុះអាណិតមិត្តភ័ក្ដិពេក ក៍ហៅមកហូបជាមួយ ចៃដន្យមិត្តភ័ក្ដិនោះ គាស់ក្រវិលកំប៉ុង ត្រូវរង្វាន់ធំ គឺរថយន្ត(ហ្វត១គ្រឿង)..!។
ស្រាប់តែរូបគេមានចិត្តលោភលន់
ក៍យកក្រវិលកំប៉ុង ដែលត្រូវរង្វាន់នោះរត់គេចខ្លួនបាត់ ដោយមិនចែកចំណែកជាមួយម្ចាស់ស្រាបៀរ ឡើយ។
ជាហេតុនាំឱ្យកើតរឿងប្ដឹងផ្ដល់.!២នាក់ប្ដីប្រពន្ធជាម្ចាស់ស្រា ដាក់ពាក្យប្ដឹងទៅសមត្ថកិច្ចនឹង.សុំកិច្ចអន្តរាគមន៍ ទៅអគ្គនាយកក្រុមហ៊ុន ស្រាបៀរ GANGBER ដើម្បីឱ្យឃាត់ខ្លួនជនសង្ស័យ ពេលទៅបើករង្វាន់..!។
យោងលិខិតសុំកិច្ចអន្តរាគមន៍ ទៅក្រុមហ៊ុនស្រាបៀរ GANGBER
បានឱ្យ«ដើមរាំង»ដឹងថា៖ ជនរងគ្រោះជាម្ចាស់ស្រាឈ្មោះ ឌុល ដែន ភេទប្រុសអាយុ៣៤ឆ្នាំ(មុខរបររត់ម៉ូតូឌុប) នឹងប្រពន្ធឈ្មោះ ឈឹម ភា អ្នកទាំង២នៅភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្ដាល។
ចំណែកជនសង្ស័យឈ្មោះ ស៊ឹម ស៊ន់ ភេទប្រុសអាយុ៣៥ឆ្នាំ (មុខរបរសន្តិសុខធនាគារABA) ដែលមានទីលំនៅភូមិ.សង្កាត់ជាមួយ។
ក្នុងលិខិតនោះបានរៀបរាប់ថា៖ កាលពីថ្ងៃទី២៨.០៣.២០២១ ខ្លួននឹងភរិយាបានយកក្រវិលកំប៉ុងស្រាបៀរ GANGBER ចំនួន១២ក្រវិល!។
ទៅប្ដូរយកស្រា នៅផ្ទះអ្នកលក់ស្រា ដែលនៅជិតផ្ទះរបស់ខ្លួន ដើម្បីយកមកផឹកនៅបន្ទប់ជួលរបស់ខ្លួន..!។
ខណៈនោះពួកគេក៍ហៅឈ្មោះ ស៊ឹម ស៊ន់(ជនសង្ស័យ) ឱ្យមកផឹកជាមួយចៃដន្យឈ្មោះ ស៊ឹម ស៊ន់ បានគាស់ក្រវិលកំប៉ុងស្រាបៀរ GANGBER។
ស្រាប់តែត្រូវរង្វាន់ធំគឺរថយន្ត FORD ១គ្រឿង ដោយបានយកបង្ហាញពួកគេជាម្ចាស់ស្រា ដែលកំពុងផឹកជាមួយ!។
ដោយឈ្មោះ ស៊ឹម ស៊ន់ ប្រាប់ថាកុំមាត់ប្រាប់គេឯងដឹង ចាំរូបគេឱ្យលុយចំនួន១.០០០$ ប៉ុន្តែប្ដីប្រពន្ធរងគ្រោះមិនព្រម ដោយសំអាងថាខ្លួនជាម្ចាស់ស្រា។
មួយសន្ទុះក្រោយ ស្រាប់តែឈ្មោះ ស៊ឹម ស៊ន់ កាន់ក្រវិលកំប៉ុងដែលត្រូវរង្វាន់នោះរត់គេចទៅបាត់ ថែមទាំងបិទទូរស័ព្ទទាក់ទងមិនបានសោះ…?។
ជាហេតុនាំឱ្យប្ដីប្រពន្ធខាងលើ ដាក់ពាក្យបណ្ដឹងទៅសមត្ថកិច្ចក្រុងតាខ្មៅ នឹងប្ដឹងសុំកិច្ចអន្តរាគមន៍ ទៅអគ្គនាយកក្រុមហ៊ុន ស្រាបៀរ GANGBER ដើម្បីឱ្យឃាត់ខ្លួនជនសង្ស័យ ពេលទៅបើករង្វាន់៕