(កំពង់ធំ)៖ នៅថ្ងៃទី១៦.០៤.២០២១នេះ រដ្ឋបាលខេត្តកំពង់ធំ បានចេញសេចក្ដីប្រកាសព័ត៌មាន ។
ស្ដីអំពីការរកឃើញអ្នកឆ្លងកូវីដ១៩ ម្នាក់ឈ្មោះ ឡេក បញ្ញា ភេទប្រុសអាយុ២១ឆ្នាំនៅភូមិក្ដីតាចិន ឃុំទ្រៀល ស្រុកតាំងគោក ខេត្តកំពង់ធំ។
រដ្ឋបាលខេត្តកំពង់ធំ៖ បច្ចុនប្បន្ន ឈ្មោះ ឡេក បញ្ញា ត្រូវដាក់ព្យាបាលនៅមន្ទីរពេទ្យបង្អែក បារាយណ៍.សន្ទុក។
តាមការស្រាវជ្រាវរបស់មន្ត្រីជំនាញបានឱ្យដឹងថា៖បុរសវិជ្ជមានកូវីដ១៩រូបនេះ ជាកម្មករសំណង់នៅ.អូឌឹម.ភ្នំពេញ ដោយគាត់រស់នៅបន្ទប់ជួលតែម្នាក់ឯង។
លុះដល់ថ្ងៃទី១២.០៤.២០២១គាត់បានជិៈម៉ូតូ ចូលទិញថ្នាំនៅផ្សារអូឌឹម និងឈប់ចាក់សាំងនៅផ្សារចោមចៅ។
រួចបានបន្តដំណើរដោយគេចសមត្ថកិច្ចរហូតមកស្រុកកំណើតនាភូមិឃុំខាងលើ។
រដ្ឋបាលខេត្តកំពង់ធំបន្តថា៖ ពេលមកដល់ក្រុមការងារ បានយកគាត់មកធ្វើចត្តាឡីស័ក រហូតដល់ថ្ងៃទី១៥.០៤.២០២១លទ្ធផលសំណាកគាត់គឺវិជ្ជមានកូវីដ១៩។
ទន្ទឹមនិងនោះរដ្ឋបាលខេត្តកំពង់ធំ៖ សូមឱ្យបងប្អូនប្រជាពលរដ្ឋទាំងអស់ មានការប្រុងប្រយ័ត្នខ្ពស់៕
