កណ្តាល៖ នៅល្ងាចថ្ងៃទី២៩ ខែមេសា ឆ្នាំ២០២១ លោក ជា សុខហៀង ចៅក្រមសើបសួរសាលាដំបូងខេត្តកណ្តាល បានសម្រេចចេញដីការឃុំខ្លួនជនសង្ស័យពីនាក់ដាក់ពន្ធនាគារបណ្តោះអាសន្នពីបទ “ជួញដូរដោយខុសច្បាប់នូវសារធាតុញៀន” តាមមាត្រា៤០ នៃច្បាប់ស្តីពីការត្រួតពិនិត្យគ្រឿងញៀន ។
ដែលប្រព្រឹត្តនៅថ្ងៃទី២៨ខែមេសា ឆ្នាំ២០២១ វេលាម៉ោង១៧ និង០០នាទី នៅចំណុចខាងក្រោយវត្តល្វាទោងក្នុងភូមិល្វាទោង ឃុំកំពង់កុង ស្រុកកោះធំ ខេត្តកណ្តាល។
ជនត្រូវចោទចំនួន០២នាក់ ទី១ឈ្មោះ មឿន ឆវី ភេទប្រុស អាយុ២៥ឆ្នាំ ជនជាតិខ្មែរ មុខរបរ(មិនពិតប្រាកដ) មានទីលំនៅភូមិល្វាទោងឃុំកំពង់កុង ស្រុកកោះធំ ខេត្តកណ្តាល។ ទី២ឈ្មោះ យ៉េង រ៉ុង (ហៅឆាង) ភេទប្រុស អាយុ២២ឆ្នាំ ជនជាតិខ្មែរ មានទីលំនៅភូមិល្វាទោង ឃុំកំពង់កុង ស្រុកកោះធំខេត្តកណ្តាលមុខរបរ (មិនពិតប្រាកដ) ។
នគរបាលស្រុកកោះធំបានអោយដឹងថា នៅមុនពេលកើតហេតុមានប្រជាពលរដ្ឋល្អបានរាយការណ៍មកសមត្ថកិច្ចប៉ុស្តិ៍នគរបាលរដ្ឋបាលកំពង់កុង ថាមានមុខសញ្ញាកំពុងតែធ្វើសកម្មភាពជួញដូរដោយខុសច្បាប់នូវសារធាតុញៀន នៅចំណុចខាងក្រោយវត្តល្វាទោង ស្ថិតនៅភូមិល្វាទោង ឃុំកំពង់កុង ស្រុកកោះធំ ខេត្តកណ្តាល។
ក្រោយពេលទទួលបានពត៍មានរួចមកកម្លាំងប៉ុស្តិរដ្ឋបាលកំពុង បានចុះទៅដល់កន្លែងកើតហេតុក៍បានជួបនឹងមុខសញ្ញាខាងលើដូចការរាយការណ៍មែន ហើយបានឃាត់ខ្លួននឹងបានឆែកឆេរនៅដងខ្លួនរកឃើញមានលាក់ទុកម្សៅក្រាមសថ្លា សង្ស័យជាសារធាតុញៀនម៉ាទឹកកកចំនួន១២កញ្ចប់តូចដែលបានលាក់ទុកក្នុងកញ្ចប់បារី MEVIUS ដាក់ក្នុងហោរប៉ាវខោរខាងឆ្វេងរបស់ឈ្មោះ មឿន ឆវី ដែលជាម្ចាស់ថ្នាំញៀនចំនួន១២កញ្ចប់ខាងលើនេះ។
ហើយនៅចំពោះមុខសមត្ថកិច្ចជនសង្ស័យខាងលើបានឆ្លើយសារភាពថាចំពោះថ្នាំញៀនម៉ាទឹកកកនេះគឺរូបគេបានទៅទិញពីអ្នកលក់ថ្នាំញៀនម្នាក់នៅស្រុកកោះធំ ខេត្តកណ្តាល។គឺបានជិះម៉ូតូទៅទិញនៅថ្ងៃទី២៥ខែមេសាឆ្នាំ២០២១ វេលាម៉ោង១៧និង០០នាទី ។នៅចំណុច ចំការស្វាយខាងក្រោយភូមិកំពង់សំបួរ ឃុំព្រែកថ្មី ស្រុកកោះធំ ។
ដោយបានទិញថ្នាំញៀនចំនួន(២០កញ្ចប់តូច)ក្នុងតំម្លៃ៨០មុឺនរៀល(ប៉ែតសិបមុឺនរៀល) ដើម្បីយកមកទុកលក់នឹងចែកចាយបន្តអោយទៅគេ៕
