ភ្នំពេញ៖កម្លាំងនគរបាលព្រហ្មទណ្ឌខណ្ឌបឹងកេងកងបានស្រាវជ្រាវចាប់ជនសង័្សយ២នាក់ពីបទលួចមានស្ថានទម្ងន់ទោសនៅសង្កាត់ទួលស្វាយព្រៃទី១ខណ្ឌបឹងកេងកងកាលពីល្ងាចថ្ងៃទី១៨ ខែឧសភា ឆ្នាំ២០២១។សមត្ថកិច្ចបានបន្ដស្រាវជ្រាវតាមចាប់ជនសង្ស័យម្នាក់ទៀតពីបទទទួលផលចោរកម្មនៅសង្កាត់ស្ទឹងមានជ័យទី២ខណ្ឌមានជ័យ។
មន្ត្រីនគរបាលបានឱ្យដឹងថា៖ជនសង្ស័យ៣នាក់ឈ្មោះ សុខម៉ាច ហៅអាម៉ាចអាយុ៤០ឆ្នាំស្នាក់នៅម្ដុំបូរីកីឡា សង្កាត់វាលវង់ ខណ្ឌ៧មករាមានប្រើប្រាស់គ្រឿងញៀន។ឈ្មោះ ភា ត្រេន ហៅអាត្រេនអាយុ១៤ ឆ្នាំស្នាក់នៅ សង្កាត់ទួលស្វាយព្រៃទី១ខណ្ឌបឹងកេងកងមានប្រើប្រាស់គ្រឿងញៀននិងឈ្មោះ ជួន ជឿន ហៅជឿនអាយុ ៤៨ ឆ្នាំ ។
មន្ត្រីដដែលបានបន្តថា៖វត្ថុតាងចាប់ម៉ូតូ១គ្រឿងម៉ាកវីវ៉ាគ្មានផ្លាកលេខនិងរ៉ឺម៉កអេតចាយ,ម៉ូតូ១គ្រឿងម៉ាក់វ៉េវគ្មានផ្លាកលេខ និងរ៉ឺម៉ក,ទូរទស្សន៍១គ្រឿងម៉ាក LG, ធុងបាស់២គ្រឿង ម៉ាកJBL ។អំភ្លី១គ្រឿង ម៉ាក VLLIODOR ,ម៉ាស៊ីនបំពងសំឡេង១គ្រឿងម៉ាក Sony ,ព្យាណូ១គ្រឿង ម៉ាក CIASO ,ម៉ាស៊ីនបាញ់ខ្យល់១គ្រឿង ។
ក្រោយមកក្រុមជនសង្ស័យយកទៅលក់ឱ្យឈ្មោះ ជួន ជឿន បានតម្លៃ៣០០ដុល្លារ ។ចំពោះ វត្ថុតាងទាំងអស់ដែលសមត្ថកិច្ចដកហូតពីជនសង្ស័យត្រូវប្រគល់ឱ្យម្ចាស់វិញ។បច្ចុប្បន្នជនសង្ស័យទាំង៣នាក់ ឃាត់ខ្លួននៅអធិការដ្ឋាននគរបាលខណ្ឌបឹងកេងកង ដើម្បីសាកសួរបន្ដ និងកសាងសំណុំរឿង បញ្ជូនទៅតុលាការដើម្បីចាត់ការតាមច្បាប់ ៕