បាត់ដំបង៖សមត្ថកិច្ចនគរបាលស្រុកសំពៅលូនសហការជាមួយកងវរសេនាតូចនគរបាលការពារព្រំដែនគោកឈរជើងការពារតាមខ្សែបន្ទាត់ព្រំដែនកាលពីរសៀលថ្ងៃទី១៨ ខែឧសភា ឆ្នាំ២០២១បានចាប់ខ្លួនមេខ្យល់ម្នាក់ដែលនាំពលករខ្មែរឆ្លងដែនខុសច្បាប់ទៅប្រទេសថៃ។
សមត្ថកិច្ចបានឱ្យដឹងថា៖ជនសង្ស័យឈ្មោះ អ៊ុល ផេន ភេទប្រុស អាយុ ២៥ឆ្នាំ មានទីលំនៅភូមិពោធិ៍ជ្រៃ ឃុំសិរីមានជ័យ ស្រុកសំពៅលូន ខេត្តបាត់ដំបង។ជននេះលួចនាំពលករចំនួន ៦នាក់ ក្នុងនោះក្មេង ៣នាក់ ដោយនាំឆ្លងអូរព្រំដែនកម្ពុជា-ថៃ ចូលទៅទឹកដីថៃ តាមច្រករបៀងជាប់ភូមិសាស្ត្រចំណុចភូមិពោធិ៍ជ្រៃ ឃុំសិរីមានជ័យ ស្រុកសំពៅលូន ។
កម្លាំងសមត្ថកិច្ចបានអប់រំណែនាំពលករទាំង៦នាក់ឱ្យវិលត្រឡប់ទៅមូលដ្ឋានវិញ ចំពោះជនសង្ស័យជាមេខ្យល់ត្រូវសមត្ថកិច្ចបានកសាងសំណុំរឿង បញ្ជូនទៅផ្នែកជំនាញ ចាត់ការបន្តតាមនីតិវិធី៕
