ភ្នំពេញ៖ កម្លាំងសមត្ថកិច្ចប្រឆាំងបទល្មើសគ្រឿងញៀនអគ្គនគរបាលជាតិ កាលពីថ្ងៃទី២៧ ខែឧសភា ឆ្នាំ២០២១បានបញ្ជូនជនសង្ស័យ៨នាក់ទៅតុលាការដើម្បីសាកសួរ ពាក់ព័ន្ធករណី រក្សាទុក ដឹកជញ្ជូនជួញដូរ,ប្រើប្រាស់នូវសារធាតុញៀន និងកាន់កាប់ អាវុធខុសច្បាប់៥ដើម។
ជនសង្ស័យទាំង៨ នាក់នោះត្រូវបានកម្លាំងសមត្ថកិច្ច ចុះបង្ក្រាបចំនួន២ គោលដៅគឺទី១.កាលពីថ្ងៃទី២១ ខែឧសភា ឆ្នាំ២០២១នៅក្នុងសង្កាត់ទួលសង្កែ និងក្នុងបុរីបឹងកក់ សង្កាត់ស្រះចក ខណ្ឌដូនពេញចាប់បាន២នាក់ ជាជនជាតិចិនតៃវ៉ាន់ និងចាបយកវត្ថុតាងសារធាតុញៀនប្រភេទ(កេតាមីន) ទម្ងន់ប្រមាណ១ គីឡូក្រាម ។
ទី២ នៅថ្ងៃដដែល សមត្ថកិច្ចបានឆ្មក់ចូលបង្ក្រាប នៅ រីហ្សតឈ្មោះ សមាធិឡេក ភូមិច្រេស សង្កាត់គោកឃ្លាង ខណ្ឌសែនសុខ។ ក្នុងនោះសមត្ថកិច្ចចាប់បានចាប់៦នាក់ និងមានស្ត្រីវៀតណាមម្នាក់ជាមួយវត្ថុតាងគ្រឿងញៀន។ សមត្ថកិច្ចក៏បានដកហូតអាវុធខ្លី៥ ដើមពីក្រុមជួញដូរគ្រឿងញៀនទាំងនោះ។
សូមបញ្ជាក់ថា សំណុំរឿងខាងលើនេះ ស្ថិតនៅក្នុងចំណាត់ការរបស់លោក សិត វណ្ណ: ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ កំពុងសាកសួរ ដែលការសាកសួរនោះមិនទាន់ត្រូវបានបញ្ចប់នៅឡើយ៕
