មណ្ឌលគិរី៖កម្លាំងនគរបាលប៉ុស្តិ៍រដ្ឋបាលសហការជាមួយកងរាជអាវុធហត្ថស្នាក់ការ៧៦១បានចាប់ម៉ូតូដឹកឈើខុសច្បាប់៣គ្រឿងក្នុងភូមិស្រែអំពឹលឃុំស្រែព្រះស្រុកកែវសីមាខេត្តមណ្ឌលគិរីកាលពីថ្ងៃទី៣០ខែឧសភា ឆ្នាំ២០២១។
មន្ត្រីសមត្ថកិច្ចបានឱ្យដឹងថា៖ករណីចាប់ម៉ូតូនេះគឺក្រុមម៉ូតូតែងដឹកជញ្ជូនឈើចេញពីតំបន់ដែនជម្រកសត្វព្រៃកែវសីមា ខេត្តមណ្ឌលគិរីឆ្លងកាត់ឃុំស្រែព្រះបន្តទៅភូមិស្រែអំពិលចូលភូមិឆ្នែងក្នុងឃុំស្រែខ្ទុមហើយឆ្លងដែនយកទៅលក់នៅប្រទេសវៀតណាម។
មន្ត្រីបានបន្តថា៖ពួកក្រុមរកស៊ីដឹកឈើតាមម៉ូតូតែងតែលួចដឹកជញ្ជូនឆក់ឱកាសញឹកញាប់លួចលាក់ពីសមត្ថកិច្ច។ ក្រោយពីចាប់បានវត្ថុតាងមានម៉ូតូ៣គ្រឿងឈើសុក្រំឡាំងបួនជ្រុង៦ដុំប្រវែង៣ម៉ែត្រប្រគល់ឱ្យជំនាញរដ្ឋបាលព្រៃឈើសង្កាត់ចាត់ការបន្តតាមនីតិវិធីច្បាប់ព្រៃឈើ៕
