ក្រចេះ៖ កម្លាំងកងរាជអាវុធហត្ថសហការជាមួយមន្ត្រីផ្នែករដ្ឋបាលព្រៃឈើព្រែកប្រសព្វបានចាប់រថយន្ដដឹកឈើខុសច្បាប់មួយគ្រឿងនៅម្តុំអង្រ្គងសាបភូមិជ្រោយបន្ទាយឃុំជ្រោយបន្ទាយស្រុកព្រែកប្រសព្វខេត្តក្រចេះកាលពីថ្ងៃទី៣១ខែឧសភាឆ្នាំ២០២១។
មន្ត្រីអាវុធហត្ថបានឱ្យដឹងថា៖រថយន្ដមួយគ្រឿងនេះដឹកឈើចេញពីតំបន់ព្រៃឡង់ ឆ្លងកាត់ស្រុកព្រែកប្រសព្វ បន្ដទៅខេត្តកំពង់ចាមតែត្រូវសមត្ថកិច្ចចាប់បាន។មន្ត្រីដដែលវបានបន្តថា៖ម្ចាស់ឈើនៅស្រុកស្ទឹងត្រង់ខេត្តកំពងចាមជាឈ្មួញរកស៊ីដឹកជញ្ជូនឈើខុសច្បាប់នៅស្រុកព្រែកប្រសព្វខេត្តក្រចេះជាយូមកហើយទើបតែពេលនេះត្រូវសមត្ថកិច្ចបានបង្រ្កាប។
លោក បួយ រតនា នាយផ្នែករដ្ឋបាលព្រៃព្រែកប្រសព្វបានឱ្យដឹងថា៖ ឈើទាំងនេះជាឈើអារប្រភេទលេខ២ជាគ្រឿងផ្ទះ។តែមិនទាន់ដឹងចំនួនម៉ែត្រទេ ព្រោះកម្លាំងកំពុងវាស់វែងមិនទាន់រួច។
បច្ចុប្បន្នរថយន្ដដឹកឈើមួយគ្រឿងនោះត្រូវនាំយកមករក្សាទុកនៅសង្កាត់រដ្ឋបាលព្រៃឈើជ្រោយបន្ទាយដើម្បីចាត់វិធានការតាមនីតិវិធីច្បាប់រដ្ឋបាលព្រៃឈើ៕
