បន្ទាយមានជ័យ៖ប្រភពពីកម្លាំងការពារព្រំដែនបានឱ្យដឹងថា៖ទាហានថៃបានស្កាត់ចាប់ពលករខ្មែរចំនួន១០នាក់ កាលពីព្រលប់ថ្ងៃទី១៣ មិថុនា ២០២១។ទាហានថៃស្រុកតា ព្រះយ៉ា សហការជាមួយទាហានកងបូរផា កងរយទី១២៥ ស្រុកតា ព្រះយ៉ា និងអាជ្ញាធរដែនដី បានរួមគ្នាចាប់ពលករខ្មែរ ដែលលួចឆ្លងដែនចូលប្រទេសថៃដោយខុសច្បាប់ បានចំនួន១០នាក់ ក្នុងនោះមានប្រុស៤ និងស្រី៦នាក់។
ពលករដែលសមត្ថកិច្ចថៃចាប់យកទៅឃុំខ្លួនជាបុរសនាក់ឈ្មោះសេតញៀនអាយុ៣២ឆ្នាំ,ឈ្មោះវ៉ាន់ សឿនអាយុ៣៧ឆ្នាំ,ឈ្មោះយស មូហាអាយុ៣១ឆ្នាំ,ឈ្មោះគ្លឿន សេមអាយុ៤៥ឆ្នាំ។នារីចំនួន៦នាក់ឈ្មោះវើន ម៉ឺន អាយុ៤៤ឆ្នាំ,ឈ្មោះលួន ឡេង អាយុ៤០ឆ្នាំ,ឈ្មោះថៃ ឡេង អាយុ៤៣ឆ្នាំ,ឈ្មោះម៉េត ពីម អាយុ៣០ឆ្នាំ ,ឈ្មោះណាត់លឿន អាយុ១៩ឆ្នាំនិងឈ្មោះអ៊ីតសនអាយុ១៨ឆ្នាំ។
អ្នកទាំងនោះធ្វើដំណើរមកពីខេត្តបន្ទាយមានជ័យ។
ក្រោយពីត្រួតពិនិត្យសមត្ថកិច្ចថៃរកឃើញ ពលករខ្មែរទាំងអស់បានលួចឆ្លងដែនចូលប្រទេសថៃខុសច្បាប់ ដោយចូលតាមច្រករបៀង តែមិនឃើញមានមេខ្យល់នាំផ្លូវទេ។ ការចាប់ឃុំខ្លួនលើកនេះសមត្ថកិច្ចថៃបានអនុវត្តតាមវិធានរបស់សុខាភិបាល និងធ្វើកំណត់ហេតុ រួចបញ្ជូនខ្លួនទៅឱ្យជំនាញស្រុកតា ព្រះយ៉ា ដើម្បីចាត់ការតាមច្បាប់បន្ត ឬបណ្ដេញឱ្យចេញ តាមច្រកភូមិអូរបីជាន់ ក្នុងស្រុកអូរជ្រៅ នៃខេត្តបន្ទាយមានជ័យមកកម្ពុជាវិញ៕