ភ្នំពេញ៖កម្លាំងនគរបាលខណ្ឌដង្កោបានចាប់ជនសង្ស័យ២នាក់ជាមុខសញ្ញាលួចម៉ូតូក្នុងក្រុងភ្នំពេញហើយថ្មីៗនេះពាក់ព័ន្ធករណីប៉ុនប៉ងលួចកាច់សោរកម៉ូតូនៅខាងមុខក្រុមហ៊ុនក្រឡុងស៊ីម៉ង់ត៍ភូមិពាម សង្កាត់ព្រៃសខណ្ឌដង្កោកាលពីរសៀលថ្ងៃទី១៤ខែមិថុនា ឆ្នាំ២០២១។
មន្ត្រីនគរបាលបានឱ្យដឹងថា៖ជនសង្ស័យឈ្មោះអានផ្លូចភេទប្រុស អាយុ៣៣ឆ្នាំ និងឈ្មោះ ស៊ិន សុខភាព ភេទប្រុស អាយុ៣០ឆ្នាំអ្នកទាំងពីរស្នាក់នៅផ្ទះជួលភូមិទួលពង្រសង្កាត់ចោមចៅខណ្ឌពោធិ៍សែនជ័យមានសារធាតុញៀន។វត្ថុតាង៖ដែកជ្រុងចុងសំប៉ែតស្រួចសម្រាប់កាច់សោរកម៉ូតូចំនួន២, សោរខ្សៀលេខ៨ចំនួន២,បណ្ណសម្គាល់យានយន្តចំនួន៣សន្លឹកឈ្មោះ ជុំ រតនា១សន្លឹក, ឈ្មោះ វី សីលា១សន្លឹក, ឈ្មោះ ឯម បុល១សន្លឹក,។
ផ្លាកលេខម៉ូតូ៣ (លេខភ្នំពេញ1HT-0027ចំនួន១, លេខភ្នំពេញ1GD-2078 ចំនួន១, លេខភ្នំពេញ1IO-1256 ចំនួន១) វិទ្យុទាក់ទងម៉ាក Motorola GP300 ចំនួន១គ្រឿង, ម៉ូតូ១គ្រឿងម៉ាកហុងដាសេ១២៥ ពណ៌ខ្មៅស៊េរីឆ្នាំ២០១៩ ពាក់ផ្លាកលេខភ្នំពេញ1HL-0625 មានលេខតួ និងលេខម៉ាស៊ីន5418516ចំនួន១គ្រឿង,សម្ភារប្រើប្រាស់គ្រឿងញៀននិងសោរដោះម៉ូតូមួយចំនួន។
សមត្ថកិច្ចក៏បានរកឃើញវត្ថុតាងពាក់ព័ន្ធបទល្មើសមួយចំនួនទៀត យកមកសាកសួរនៅអធិការដ្ឋាននគរបាលខណ្ឌដង្កោតាមនីតិវិធីច្បាប់៕
