ខេត្តកំពត ÷ ចេញផ្សាយ ថ្ងៃព្រហស្បតិ៍ ២ កើត ខែមាឃ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹង ថ្ងៃទី៣ ខែកុម្ភៈ ឆ្នាំ២០២២ ស្ដីអំពី : ទីតាំងបនល្បែង ស៊ីសង មួយកន្លែងនៅច្រកព្រំដែនកម្ពុជា-វៀតណាមតន់ហ៊ន់ ស្ថិតនៅក្នុងភូមិសាស្ត្រស្រុកកំពង់ត្រាច បើកឱ្យប្រជាពលរដ្ឋខ្មែរ ចូលលេង យ៉ាងអណាធិបតេយ្យ ផ្ទុយពីច្បាប់ដែលបានអនុញ្ញាត បានហាមពលរដ្ឋខ្មែរចូលលេង ។ មហាជនហៅថាក្រុមហ៊ុនមានច្បាប់ តែមិនគោរពច្បាប់ ។
មហាជនបានដាក់ការសង្ស័យថា មានការរួមគំនិតឃុបឃិតគ្នាជាប្រព័ន្ធហើយមើលទៅ ទើបកាស៊ីណូច្រកព្រំដែនតន់ហន់ បើកឲ្យពលរដ្ឋខ្មែរចូលលេងៗយ៉ាងរលូន គ្មានការទប់ស្កាត់ ពីសំណាក់អាជ្ញាធរមានសមត្ថកិច្ច ក្នុងខេត្តកំពតនោះឡើយ មិនតែងតែប៉ុណ្ណោះមាន ជនឆ្លៀតឱកាស ឈ្មោះ ជា ដារ៉ា អ្នកសារព័ត៌មាន ត្បាញអាយ មិនសូវល្បីឈ្មោះ នៅប្រចាំការក្បឺរៗនឹងរង់ចាំជួបសម្រប សម្រួល ជាមួយបងប្អូនអ្នកសារព័ត៌មានយើង ដើម្បីកុំឲ្យមាន ការចុះផ្សព្វផ្សាយ និងលោក កែម ចន ក៏ជាអ្នកសារព័ត៌មានមួយរូប បន្តតំណែងពីលោក ជា ដារ៉ា អ្នកសារព័ត៌មាន ចាប់តាំងពីថ្ងៃទី០១ ខែ កុម្ភៈ ឆ្នាំ២០២២ ដើម្បីទទួលភារកិច្ច បន្តតំណែង ចេញមុខសម្របសម្រួល ជាមួយអ្នកសារព័ត៌មានតទៅទៀត ។
ជុំវិញនឹងបញ្ហាខាងលើនេះ មហាជនសូមសំណូមពរដល់ឯកឧត្ដម ម៉ៅ ធនិន អភិបាល នៃគណៈអភិបាលខេត្តកំពត មេត្តាចាត់មន្ត្រីជំនាញ ឱ្យចុះពិនិត្យ ទីតាំងកាស៊ីណូ ខាងលើនេះផងទាន ពីព្រោះគាត់កំពុង ធ្វើសកម្មភាព ផ្ទុយនឹងច្បាប់ នៃ ព្រះរាជាណាចក្រ កម្ពុជាយើង ដែលមាន សម្តេចតេជោ ជាប្រមុខដឹកនាំ ដ៏មហិមា និងឈ្លៀសវៃបំផុត ៕
