សកម្មភាពរបស់មេឈ្មួញឈ្មោះ ចន្ធី នឹង ស្រីល័ក្ខដឹកជញ្ជូនខុសច្បាប់ពីភូមិ 5 ហៅភូមិភ្នំស្វាយសង្កាត់បឹងកន្សែងក្រុងបានលុង ខេត្តរតនគិរី ដឹកជញ្ជូនឈើទៅស្រុកយួន តាមច្រកទ្វារអន្តរជាតិអូរយ៉ាដាវ ខេត្តរតនគិរី គឺគ្មានមន្ត្រីជំនាញឬសមត្ថកិច្ចពាក់ព័ន្ធណាហ៊ានបង្ក្រាបឡើយ ដោយសារឈ្មួញរូបនេះមានខ្នងបង្អែករឹងមាំ និងមានឥទ្ធពលខ្លាំងក្លា។ មន្ត្រីនៅច្រកទ្វារអន្តរជាតិអូរយ៉ាដាវ បានឲ្យដឹងថា មួយរយៈពេលចុងក្រោយនេះឈ្មួញឈ្មោះចន្ធី នឹង ស្រីល័ក្ខ ធ្វើសកម្មភាពកាប់ឈើ និងប្រមូលទិញឈើពីតំបន់ព្រៃការពារ ព្រៃអភិរក្ស ព្រៃសហគមន៍នានា ក្នុងខេត្តរតនគិរី ហើយដឹកជញ្ជូនទៅស្រុកយួន តាមច្រកទ្វារអន្តរជាតិអូរយ៉ាដាវ យ៉ាងគំហុក។ ចំណែកលោក ថាវ យ៉េន មេបញ្ជាការកងរាជអាវុធហត្ថខេត្តរតនគិរី និងលោក អ៊ុង សុភាព ស្នងការនគរបាលខេត្តរតនគិរី រក្សាភាពស្ងៀមស្ងាត់។
ប្រភពពីប្រជាពលរដ្ឋនៅឃុំជ័យឧត្តម ស្រុកលំផាត់ ខេត្តរតនគិរី ជាប់ព្រំប្រទល់ស្រុកកោះញែក ខេត្តមណ្ឌលគិរី បានឲ្យដឹងថា បច្ចុប្បន្នឈ្មួញឈ្មោះចន្ធី នឹង
ស្រីល័ក្ខ បានកៀងគរប្រជាពលរដ្ឋប្រដាប់ដោយរណារយន្ត គោយន្តកន្ត្រៃ និងរថយន្តកែច្នៃរាប់សិបគ្រឿង ចូលកាប់ឈើ អារច្រៀកឈើលាន់ទ្រហឹងពេញព្រៃ។
ប្រភពពីប្រជាពលរដ្ឋបានបញ្ជាក់ថា ព្រៃឈើនៅចំណុចអូររវ៉ាក់ ចំណុចគីឡូម៉ែត្រលេខ 243 (កែវសីមា) និងគីឡូម៉ែត្រលេខ 53 (តាអង) រងការបំផ្លាញយ៉ាងមហន្តរាយ។ រួចហើយឈ្មួញឈ្មោះ ចន្ធី នឹង ស្រីល័ក្ខ ដឹកជញ្ជូនឈើទាំងនោះយកទៅរក្សាទុកក្នុងទីតាំងក្រុមហ៊ុនចម្ការចេកដូនពេញ អាគ្រីកូហុងអាញ់យ៉ាឡាយ នៅស្រុកលំផាត់ តាមអំពើចិត្ត ព្រោះមន្ត្រីជំនាញ និងសមត្ថកិច្ចសម្ងំស្ងាត់ឈឹង។
មន្ត្រីអង្គការក្រៅរដ្ឋាភិបាលនៅក្នុងខេត្តរតនគិរី បានឲ្យដឹងថាករណីឈ្មួញឈ្មោះ ចន្ធី នឹងស្រីល័ក្ខ អាចដឹកជញ្ជូនឈើចេញទៅស្រុកយួន តាមច្រកទ្វារអន្តរជាតិអូរយ៉ាដាវ យ៉ាងពេញទំហឹង គឺមានការបើកដៃពីសំណាក់លោក ខឹម ចិត្រា នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិអូរយ៉ាដាវ ផងដែរ។ ហេតុនេះហើយទើបមានសេចក្ដីអំពាវនាវឲ្យថ្នាក់ដឹកនាំគណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ អ៊ុង សុភាព ស្នងការនគរបាលខេត្តរតនគិរី បណ្ដោយឲ្យបទល្មើសព្រៃឈើកើតឡើង។មានត
