សកម្មភាពកាប់ទន្ទ្រានយកដីរដ្ឋធ្វើជាកម្មសិទ្ធិផ្ទាល់ខ្លួន ត្រូវប្រជាពលរដ្ឋនៅក្នុងឃុំល្វែងឬស្សីរង់ចាំមើល អាជ្ញាធរឃុំល្វែងឬស្សីលោក យុន ប្រុស ជាមេឃុំល្វែងឬស្សី និងអាជ្ញាធរស្រុកជីក្រែង តើហ៊ានមានចំណាត់ការទៅលើលោក អ៊ុំ គឹមឡុងស្រូរ ដែលឬទេ ? កាលពីថ្ងៃទី 10 ខែសីហាឆ្នាំ 2023ដីដែលលោក អ៊ុំ គឹមឡុងស្រូរ បានកាប់កន្ទ្រានឈូសឆាយ កាលពីមុនបោះឆ្នោតនោះ ។ ប្រជាពលរដ្ឋបានរាយការណ៍ប្រាប់អ្នកសារព័ត៌មានថា លោក អ៊ុំ គឹមឡុងស្រូរ ចាប់ផ្ដើមធ្វើសកម្មភាពសារជាថ្មីនៅថ្ងៃទី 10 ខែសីហាឆ្នាំ 2023 ពេលនោះ ប្រជាពលរដ្ឋបានរាយការណ៍ប្រាប់អ្នកសារព័ត៌មានថា ឃើញ លោក អ៊ុំ គឹមឡុងស្រូរ ទៅដុតព្រៃដែលលោកកាប់ទន្ទ្រានថ្ងៃមុនហើយអ្នកសារព័ត៌មានបានចុះទៅដល់កន្លែងនោះក៏បានឃើញសកម្មភាពដុតព្រៃពិតប្រាកដមែន ហើយក៏បានរាយការណ៍ទៅលោកអភិបាលស្រុកជីក្រែង លោក ម៉េង ប៊ូទ្រី ដើម្បីសូមការបំភ្លឺពីអាជ្ញាធរស្រុកជីក្រែង លោក ម៉េង ប៊ូទ្រី លោកអភិបាលស្រុក ក៏បានឆ្លើយបំភ្លឺថា លោកមិនទាន់បានដឹងច្បាស់នៅឡើយទេ ក៏ប៉ុន្តែលោកបានទទួលព័ត៌មានខ្លះៗថា លោក អ៊ុំ គឹមឡុងស្រូរ មានដីទិញពីប្រជាពលរដ្ឋនៅភូមិកកោះពិតមែន ក៏ប៉ុន្តែមានតិចតួចទេ ហើយដីនោះមួយចំនួនពាក់ព័ន្ធ និងដីគម្របព្រៃរបស់រដ្ឋ ។ លោកអភិបាលស្រុកបានបញ្ជាក់ទៀតថា ចុះបើលោក អ៊ុំ គឹមឡុងស្រូរ មានឯកសារអ្វីដែលពាក់ព័ន្ធនៅលើដីនោះ យ៉ាងម៉េចក៏លោកមិនហ៊ានបង្ហាញអ្នកសារព័ត៌មាន ហើយលោកក៏បានបន្ថែមសូមកុំឱ្យខ្លាចអ្នកសារព័ត៌មាន ។
អ្នកសារព័ត៌មានគ្រាន់តែជាអ្នកនាំសារពីប្រជាពលរដ្ឋទៅថ្នាក់ដឹកនាំ ពីថ្នាក់ដឹកនាំមកប្រជាពលរដ្ឋ អ្វីដែលប្រជាពលរដ្ឋមិនយល់ពីច្បាប់ដែលរាជរដ្ឋាភិបាល បានផ្សព្វផ្សាយឱ្យប្រជាពលរដ្ឋបានដឹងតែប៉ុណ្ណោះ អ្នកសារព័ត៌មានមិនមែនជាសមត្ថកិច្ច ឬក៏ជាអាជ្ញាធរឡើយ ។ ហេតុនេះហើយបានជាក្រុមអ្នកសារព័ត៌មានយើងតែងតែសុំការសហការពីមន្ត្រីពាក់ព័ន្ធ ។
នៅថ្ងៃទី 11 ខែសីហាឆ្នាំ 2023 ក្រុមអ្នកសារព័ត៌មានទទួលព័ត៌មានបានពីប្រជាពលរដ្ឋ ហើយនិងរូបភាពមួយចំនួនដើម្បីសុំការបំភ្លឺពីលោកអភិបាលស្រុកជីក្រែង លោកអភិបាលស្រុកជីក្រែង លោក ម៉េង ប៊ូទ្រី បានឆ្លើយប្រាប់អ្នកសារព័ត៌មានថា លោកជាប់រវល់សូមឱ្យទាក់ទងទៅលោកមេឃុំល្វែងឬស្សី លោក យុន ប្រុស ជាមេឃុំល្វែងឫស្សីពេលនោះ អ្នកសារព័ត៌មានយើងបានខលទូរស័ព្ទទៅទូរស័ព្ទរបស់លោកមេឃុំ យុន ប្រុស ត្រូវក្រុមប្រឹក្សាឃុំអ្នកលើកហើយបានឆ្លើយថា លោកមេឃុំយកទូរស័ព្ទមកសាកថ្ម ក្នុងមន្ទីរបក្ស នៅថ្ងៃទី 12ខែសីហាឆ្នាំ 2023 ។
អ្នកសារព័ត៌មានតែងព្យាយាមខលទូរស័ព្ទទៅសុំការបំភ្លឺពីលោកមេឃុំបន្តទៀត តែទូរសព្ទអត់មានអ្នកលើក ប្រជាពលរដ្ឋដាក់ការសង្ស័យទៅលើលោកមេឃុំ យុន ប្រុស ប្រហែលជាមានការពាក់ព័ន្ធហើយមើលទៅ ។ លោក យុន ប្រុស បើតាមការទំនាក់ទំនងរបស់អ្នកសារព័ត៌មានទៅលោកមេឃុំ យុន ប្រុស ឱ្យតែដឹងថា លេខទូរស័ព្ទអ្នកសារព័ត៌មានមិនអាចទំនាក់ទំនងបានឡើយ ប្រហែលមានអ្វីនៅពីក្រោយខ្នងហើយបានជាលោកខ្លាចលេខអក្នសារព័ត៌មានដល់ថ្នាក់ហ្នឹង ហេតុនេះហើយបានជាក្រុមអក្នសារព័ត៌មានស្នើសុំទៅលោកអភិបាលស្រុកជីក្រែង និងលោកអភិបាលខេត្តសៀមរាប ជួយមានវិធានការចំពោះ លោក អ៊ុំ គឹមឡុងស្រូរនេះផង ប្រជាពលរដ្ឋនៅក្នុងឃុំល្វែងឬស្សីរង់ចាំមើល អាជ្ញាធម៌មូលដ្ឋាននិងមន្ត្រីពាក់ព័ន្ធអ្នកសារព័ត៌មានផ្សាយព័ត៌មានពិត ហើយរង់ចាំការបកស្រាយអាជ្ញាធរមានសមត្ថកិច្ចនិងមន្ត្រីពាក់ព័ន្ធគ្រប់ជាន់ថ្នាក់ ៕
