នៅថ្ងៃទី 9 ខែកញ្ញាឆ្នាំ 2023 ក្រុមអ្នកសារព័ត៌មានបានទទួលព័ត៌មានពីលោកឧត្តមសេនីយ៍ឯក ទៀវ ប៊ុនខេង ឲ្យអង្គភាពសារព័ត៌មានយើងចុះទៅផ្តិតយករូបភាពសកម្មភាពត្រាក់ទ័រចំនួន 3 គ្រឿងកំពុងតែធ្វើសកម្មភាពភ្ជួរដីនៅចំណុចទួលរមនា ក្នុងឃុំសានគរ ស្រុកកំពង់ស្វាយ ខេត្តកំពង់ធំ ។ បើតាមសម្ដីរបស់លោកឧត្តមសេនីយ៍ឯក ទៀវ ប៊ុនខេង បានប្រាប់អង្គភាពសារព័ត៌មានយើងថា លោកឧត្តមសេនីយ៍ត្រី ចាន់ សុឃឿន បានជួលប្រជាពលរដ្ឋឲ្យយកត្រាក់ទ័រចំនួន 3 គ្រឿងទៅភ្ជួរដីនៅក្នុងចំណុចទួលរមនាក្នុងឃុំសានគរស្រុកកំពង់ស្វាយខេត្តកំពង់ធំក្រុមអ្នកសារព័ត៌មានយើងបានចុះទៅដល់ទីតាំងខាងលើហើយក៏បានឃើញត្រាក់ទ័រចំនួន 3 គ្រឿងពិតប្រាកដមែនការធ្វើសកម្មភាពភ្ជួរដីត្រាក់ទ័រចំនួន 3 គ្រឿងនេះត្រូវលោកឧត្តមសេនីយ៍ឯកទៀវប៊ុនខេងចោទប្រកាន់ទៅលោកឧត្តមសេនីត្រីថាបានលួចយកត្រាក់ទ័រទៅភ្ជួរដីរបស់លោក ។
អង្គភាពសារព័ត៌មានយើងក៏បានសុំការបំភ្លឺពីលោកឧត្តមសេនីយ៍ត្រី ចាន់ សុឃឿន លោកក៏បានឆ្លើយប្រាប់អង្គភាពសារព័ត៌មានយើងថា ដីនេះត្រូវលោកឧត្តមសេនីយ៍ឯក ទៀវ ប៊ុនខេង បានយល់ព្រមប្រគល់ឱ្យទៅលោកឧត្តមសេនីយ៍ត្រី ចាន់ សុឃឿនហើយ ។ នេះជាសម្ដីរបស់លោកឧត្តមសេនីយ៍ត្រីបានឆ្លើយបំភ្លឺតាមទូរសព្ទប្រាប់អ្នកសារព័ត៌មានយើងនៅថ្ងៃទី 9 ខែកញ្ញា ឆ្នាំ 2023 ។ ក៏ប៉ុន្តែការបញ្ជាក់របស់លោកឧត្តមសេនីយ៍ឯក ទៀវ ប៊ុនខេង បានឆ្លើយប្រាប់អង្គភាពសារព័ត៌មានយើងថា រូបលោកពុំបានឲ្យដីទៅលោកឧត្តមសេនីយ៍ត្រី ចាន់ សុឃឿន នោះទេ ។ បើសិនជាការព្រមព្រៀងរបស់លោកពិតប្រាកដមែននោះ លោកនឹងធ្វើលិខិតលាយលក្ខណ៍ជាអក្សរហើយ ។ ហើយលោកឧត្តមសេនីយ៍ឯក ទៀវ ប៊ុនខេងក៏បានបន្ថែមទៀតថា បើសិនជាលោកឲ្យពិតប្រាកដមែន លោកនឹងធ្វើលិខិតប្រគល់ឲ្យត្រឹមត្រូវតាមច្បាប់ ក៏ប៉ុន្តែលោកបានបញ្ជាក់បន្ថែមទៀតថា ការយកត្រាក់ទ័រទៅភ្ជួរដីរបស់លោកនេះ លោកបានធ្វើការហាមឃាត់ម្ដងរួចមកហើយ ក៏ប៉ុន្តែនៅថ្ងៃទី 9 ខែកញ្ញាឆ្នាំ 2023 នេះ សកម្មភាពត្រាក់ទ័រភ្ជួរដីនៅលើដីរបស់លោកនៅតែមានបន្តទៀត ។ ហេតុនេះហើយបានលោកឧត្តមសេនីយ៍ឯក ទៀវ ប៊ុនខេង ស្នើឱ្យអង្គភាពសារព័ត៌មានយើងជួយផ្សព្វផ្សាយឲ្យបានដល់ថ្នាក់ដឹកនាំមូលដ្ឋានបានជ្រាប ។
ការបញ្ជាក់របស់ប្រជាពលរដ្ឋនៅក្នុងឃុំសានគរបានប្រាប់អង្គភាពសារព័ត៌មានយើងថា ដីនេះជាដីរបស់លោកឧត្តមសេនីយ៍ឯក ទៀវ ប៊ុនខេង ពិតប្រាកដមែន ហើយលោកឧត្តមសេនីយ៍ឯក ទៀវ ប៊ុនខេង បានអាស្រ័យផលតាំងពីឆ្នាំ2007 អតីតអភិបាលខេត្តឯកឧត្តម ណាម ទុំ ជាអភិបាលខេត្តកំពង់ធំចាស់ លោកឧត្តមសេនីយ៍ឯក ទៀវ ប៊ុនខេងបានអាស្រ័យផល លើដីនេះ ។ បើតាមសម្ដីប្រជាពលរដ្ឋបានបន្ថែមទៀតថា លោកឧត្តមសេនីយ៍ឯក ទៀវ ប៊ុនខេង បានធ្វើអាងទឹកជូនប្រជាពលរដ្ឋអាស្រ័យផលផងដែរ ៕
