រឿងពាក់ព័ន្ធនឹងលោកមេប៉ុស្តិ៍មួយរូបត្រូវរាជរដ្ឋាភិបាលដកចេញពីក្របខណ្ឌ ប្រជាពលរដ្ឋទូទាំងប្រទេសបាននិងកំពុងតែអបអរសាទរនឹងចំណាត់ការរបស់រាជរដ្ឋាភិបាល ។
បើតាមប្រភពពីមន្ត្រី និងប្រជាពលរដ្ឋ ដែលបានដឹងពីប្រវត្តិបុរសទាំងពីរនាក់នេះ បានបញ្ជាក់ថា ឈ្មោះហុង សារ៉ុម និងឈ្មោះម៉ៅ សារ៉េន នេះត្រូវជាបងប្អូនជីដូនមួយបង្កើតនិងគ្នា ។
ប្រភពបានបញ្ជាក់ថា អំឡុងឆ្នាំ2000 ធ្លាប់ជាប់គុកនៅព្រៃ ស ម្នាក់ 8 ឆ្នាំ រួចម្ដងមកហើយ ពាក់ព័ន្ធនិងករណីប្លន់ នៅស្រុកបារាយណ៍ ។ នៅពេលដែលចេញពីគុកព្រៃ ស មកវិញ ក៏បានចែកមុខសញ្ញាគ្នា ។ ឈ្មោះម៉ៅ សារ៉េន ចូល ទាហាន ហើយឈ្មោះហុង សារ៉ុម ចូលនគរបាល ។ រហូតមកដល់ ឆ្នាំ 2015 នេះបានណាត់ជួបគ្នា នៅស្រុកស្ទោង ព្រោះកាលនោះ ឈ្មោះហុង សារ៉ុមនេះ មេគេអោយយាមនៅផ្សារស្ទោង នៅពេលណាត់គ្នាបានហើយ ក៏កើតជាប្លន់ទូរមាសទាំងកណ្ដាលថ្ងៃ នៅក្នុងផ្សារស្ទោងតែម្ដងទៅ ។ ហើយជាប់រឿងប្លន់ផ្សារស្ទោងនេះ ហុង សារ៉ុម តុលាការកាត់ទោស ហុង សារ៉ុម ចំនួន 5 ឆ្នាំ អនុវត្តទោស 3 ឆ្នាំ ព្យួរ 2 ឆ្នាំ ចំណែកឈ្មោះ ម៉ៅ សារ៉េន ជាប់ទោស 6 ឆ្នាំពេញ ។ ករណីខាងលើនេះ សូមអោយក្រសួងពាក់ព័ន្ធស្រាវជ្រាវបន្តផងទាន ។
ដោយឃើញហេតុការណ៍ដូច្នេះ ប្រជាពលរដ្ឋយល់ឃើញថា មន្ត្រីនៅក្របខ័ណ្ឌនីមួយៗ គួរតែថ្នាក់លើ ស៊ើបប្រវត្តិឲ្យបានច្បាស់ មុននឹងសម្រេចឲ្យចូលក្របខ័ណ្ឌជាមន្ត្រីក្នុងជួរស្ថាប័ននីមួយៗ ។
ប្រជាពលរដ្ឋទូទាំងប្រទេសក៏សូមអរគុណដល់រាជរដ្ឋាភិបាល ដែលយកចិត្តទុកដាក់និងគិតគូរពីសុខទុក្ខរបស់ប្រជាពលរដ្ឋទូទាំងប្រទេស ៕
