ល្បែងស៊ីសងប្រភេទមាន់ជល់អនឡាញនៅក្នុងស្រុកស្ទោងមានច្រើនទីតាំងនិងល្បែងស៊ីសងជាច្រើនប្រភេទទៀតកំពុងតែរីករាលដាលក្នុងស្រុកស្ទោងច្រើនសន្ធឹកសន្ធាប់ដូចជាទីតាំងមាន់ជល់អនឡាញទីតាំងទី 1 នៅក្នុងភូមិងួនស៊ីមឃុំកំពង់ចិនត្បូង ទី 2 នៅក្នុងភូមិកំពង់ក្ដីឃុំកំពង់ចិនត្បូង ទីតាំងទី 3 នៅក្នុងភូមិត្នោតឃុំកំពង់ចិនជើងស្រុកស្ទោងខេត្តកំពង់ធំនិងទីតាំងមួយទៀតនៅចំណុចសួនច្បារជាប់កន្លែងលក់បាយជិតនិងផ្សារស្ទោងចាស់ ។
បើតាមប្រភពព័ត៌មានពីរអ្នកមើលការខុសត្រូវល្បែងមាន់ជល់អនឡាញនេះ បានប្រាប់អ្នកសារព័ត៌មានយើងថា គេមានមេឈ្មោះលោក យ៉ាជាសមត្ថកិច្ចស្រុកស្ទោងជាអ្នករៀបចំបង់លុយទៅថ្នាក់លើអស់ហើយ ហើយអ្នកមើលការខុសត្រូវល្បែងមាន់ជល់អនឡាញនេះបន្តទៀតថា បើចង់ជ្រាបច្បាស់សូមទាក់ទងទៅលោកយ៉ា ព្រោះគាត់ជាអ្នករៀបចំបង់លុយទៅថ្នាក់លើ ហើយការពាក់ព័ន្ធនៅក្នុងល្បែងមាន់ជល់ប្រភេទអនឡាញនេះ បើចង់ដឹងច្បាស់មានតែលោកយ៉ាទេបានគាត់ដឹង ។
ប្រជាពលរដ្ឋនៅក្នុងឃុំកំពង់ចិនជើង និងឃុំកំពង់ចិនត្បូង បានស្នើសុំឲ្យអង្គភាពសារព័ត៌មានយើងជួយផ្សព្វផ្សាយព័ត៌មាននេះ ទៅដល់ស្នងការនគរបាលខេត្តកំពង់ធំនិងលោកអភិបាលខេត្តកំពង់ធំជួយមានវិធានការល្បែងស៊ីសងប្រភេទមាន់ជល់អនឡាញនេះផង ប្រជាពលរដ្ឋរស់នៅក្បែផ្សាស្ទោងជិតចំណតរថយន្តក៏បានផ្ញើរូបថតមួយសន្លឹកឱ្យអង្គភាពសារព័ត៌មានយើងជួយផ្សព្វផ្សាយអំពីល្បែងមួយចំនួនទៀត ដូចជាល្បែងស៊ីសងប្រភេទខ្លាឃ្លោកលេងតាមទូរសព្ទដៃពេលថ្ងៃអ្នករត់ម៉ូតូឌុបនិងអ្នករត់ឡានតាក់ស៊ីមកប្រមូលផ្ដុំគ្នាលេងល្បែងខ្លាឃ្លោកនេះនៅមុខហាងកាហ្វេដែរហេតុនេះហើយប្រជាពលរដ្ឋសំណូមពរទៅសមត្ថកិច្ចពាក់ព័ន្ធគ្រប់ស្ថាប័ន មេត្តាជួយមានវិធានការផងទៀត ៕
