(កណ្ដាល)៖ មានការលើកឡើងថា កាលពីថ្ងៃទី០៨.ខែតុលាឆ្នាំ.២០២៣ កន្លងទៅ មានករណីផ្ទុះហិង្សាក្នុង កាស៊ីណូ ថ្មពេជ្រ ដែលមានទីតាំង នៅក្បែរច្រកទ្វារព្រំដែនអន្តរជាតិក្អមសំណ ស្ថិតនៅភូមិក្អមសំណ ឃុំក្អមសំណ ស្រុកលើកដែក ខេត្តកណ្តាល។ ដោយភាគីម្ខាង ជាមនុស្សប្រុសដែលចូលមកលេងល្បែងក្នុងកាស៊ីណូ និងភាគីម្ខាងទៀត ជាមនុស្សស្រី ដែលជាភ្ញៀវមកលេងល្បែងដូចគ្នា ។ ប៉ុន្តែការលើកឡើងនេះត្រូវលោក អាំ ធូ អធិការស្រុកលើកដែក អះអាងថា ពុំមានបណ្ដឹង មកដល់រូបលោកទេ! ។
សេចក្ដីរាយការណ៍បញ្ជាក់ប្រាបអង្គភាពសារព័ត៌មានយើងថាៈ អំពើហិង្សាក្នុងកាស៊ីណូ ថ្មពេជ្រ ត្រង់ចំណុចខាងលើគឺកើតឡើង រវាងជនជាតិវៀតណាម និងជនជាតិវៀតណាមដូចគ្នា! ហើយពួកគេពុំបានប្ដឹងផ្ដល់នោះឡើយ
គួរម្លឹកថា ជាគោលការណ៍ កាស៊ីណូនីមួយៗនៅកម្ពុជា គេមិនតម្រូវឱ្យជនជាតិ ខ្មែរ ចូលលេងល្បែងស៊ីសងនោះឡើយ។ ក្នុងនោះបើខ្មែរចូលបម្រើការងារ ឬសុំច្បាប់បើកអាជីវកម្ម កាស៊ីណូ គឺជារឿងត្រឹមត្រូវ ប៉ុន្តែបើខ្មែរចូលលេងល្បែងគឺជារឿងខុសច្បាប់មួយរយភាគរយ ដែលទាមទារឱ្យអាជ្ញាធរ មានសមត្ថកិច្ច ចាត់វិធានការទប់ស្កាត់ និងបង្ក្រាប ជាបន្ទាន់ ចំពោះបទល្មើសមួយនេះ!។ តែផ្ទុយទៅវិញកាស៊ីណូ ថ្មពេជ្រ ត្រង់ចំណុចក្បែរច្រកទ្វារព្រំដែនអន្តរជាតិក្អមសំណ ស្ថិតនៅភូមិក្អមសំណ ឃុំក្អមសំណ ស្រុកលើកដែក ខេត្តកណ្តាល។ បែរជាបើកលេងល្បែងស៊ីសង ជាប្រចាំ ដោយភ្នាល់ចាក់លុយធំៗ និងបានកៀងគរឱ្យខ្មែរ ចូលលេងល្បែងយ៉ាងពេញទំហឹង ភ្លូកទឹកភ្លូកដី ដោយពុំមានការទប់ស្កាត់ពីមន្ត្រីជំនាញមូលដ្ឋានឡើយ ។ ធ្វើឱ្យមហាជនដាក់ការសង្ស័យថាៈ រាល់សកម្មភាពទាំងនេះ ប្រាកដជា អាជ្ញាធរមូលដ្ឋាន ជាអ្នកបើកភ្លើងខៀវជាក់ជាមិនខាន ទើបអាចប្រព្រឹត្តទៅយ៉ាងរលូនបែបនេះបាន។
សេចក្ដីរាយការណ៍បានប្រាប់អង្គភាពសារព័ត៌មានយើងថាៈ កាស៊ីណូ ថ្មពេជ្រ គឺបានធ្វើអាជីវកម្ម បើកលេងល្បែងស៊ីសង រាល់ថ្ងៃតែម្ដង ខួបប្រាំងខួបវស្សា!។
ជាក់ស្ដែងៈ ក្រុមអ្នកញៀនល្បែង ដែលតែងតែប្រមូលផ្ដំគ្នា ចូលលេងល្បែងស៊ីសង ក្នុងកាស៊ីណូ ថ្មពេជ្រ មួយនេះជាប្រចាំ ។ ភាគច្រើនជាពលរដ្ឋ ខ្មែរ យើង ដែលនៅរាជធានីភ្នំពេញ.ស្រុកកៀនស្វាយ.អ្នកលឿង និងនៅស្រុកលើកដែក ខេត្តកណ្ដាលនេះតែម្ដង។
ដោយជារៀងរាល់លើក ពួកគេបើករថយន្តដឹកគ្នាផង និង ដឹកមាន់ជល់ផង និងខ្លះទៀត ជិៈម៉ូតូស្ពាយកន្ត្រក មាន់ជល់ផងដែរ។ ដើម្បីមកប្រមូលផ្ដុំគ្នាលេងល្បែង បញ្ជល់មាន់ បៀរ អាប៉ោង យូគី រួមនិងល្បែងស៊ីសងផ្សេងៗទៀត ដោយភ្នាល់ចាក់លុយធំៗ យ៉ាងគគ្រឹកគគ្រេងបំផុត! ក្នុងកាស៊ីណូ ថ្មពេជ្រ ត្រង់ចំណុចខាងលើ។
មិនទាំងអស់នោះទេ! ក្នុងនោះក៏មានជនជាតិវៀតណាមមួយចំនួន បានសម្រុកមកលេងល្បែង ក្នុងកាស៊ីណូ ថ្មពេជ្រ ផងដែរ ពោលគឺ ពួកគេឆ្លងដែន ចូលមកតាមច្រកទ្វារព្រំដែនអន្តរជាតិ ក្អមសំណ ដោយពុំមានការត្រួតពិនិត្យ និងគ្មានមានលិខិតស្នាម ប៉ាស្ព័រ អ្វីឡើយ។
ខណៈអាជ្ញាធរមូលដ្ឋាន.រួមនិងសមត្ថកិច្ចច្រកទ្វារព្រំដែនអន្តរជាតិ ក្អមសំណ បានរក្សាភាពស្ងៀមស្ងាត់ យ៉ាង ត្រចៀកចិត្តមើលមិនឃើញ ស្ដាប់មិនឮ នូវរាល់សកម្មភាពខាងលើ។
បង្ករជាក្ខណៈងាយស្រួល នឹងមានសុវត្ថិភាព សម្រាប់ ខ្មែរ ចូលលេងល្បែងក្នុងកាស៊ីណូ ថ្មពេជ្រ ក៏ដូចជាផ្ដល់សុវត្ថិភាពសម្រាប់ ជនអន្តោរប្រវេសន៍វៀតណាម ដែលចូលមកលេងល្បែង នៅ កាស៊ីណូថ្មរពេជ្រ នោះផ្ទាល់។
យ៉ាងណាក្ដី នៅថ្ងៃទី០៨ ខែតុលាឆ្នាំ.២០២៣ ស្រាប់លេច ឮ ដំណឹងថា កើតមានអំពើហិង្សាក្នុងកាស៊ីណូ ថ្មពេជ្រ ទៀតផង ។ តើមន្ត្រីជំនាញ រួមនិងអាជ្ញាធរពាក់ព័ន្ធគួរមានវិធានការបែបណា លើអាជីវកម្មកាស៊ីណូ ថ្មពេជ្រ មួយនេះ៕