ព្រះវិហារ ៖ ដីព្រៃឈើរបស់រដ្ឋរាប់សិបហិចតា នៅចំណុចភ្នំប្រមេរ ឃុំឆែប1ស្រុកឆែប ត្រូវបានមេឈ្មួញល្បីឈ្មោះ សាន វួចឡេង ភេទស្រីទីលំនៅភូមិបាក់កាំ ឃុំឈានមុខ ស្រុកត្បែងមានជយ័ ខេត្តព្រះវិហារ ដាក់គ្រឿងចក្រឈូសឆាយបំផ្លាញព្រៃឈើយកដីធ្វើកម្មសិទ្ឋ អាជ្ញាធរស្រុកឆែប មន្ទីរបរិស្ថានខេត្តក៍ដូចអាជ្ញាធរខេត្ត មិនទាន់មានចំណាត់ការបណ្តែតបណ្តោយអោយមេឈ្មួញម្នាក់នេះធ្វើព្យុៈធ្វើភ្លៀងតាមអំពើចិត្តដីព្រៃនេះស្ថិតក្រោមការការពារដោយព្រះរាជក្រិត គ្រប់គ្រងដោយមន្ទីរបរិស្ថានខេត្តព្រះវិហារ ។
យោងតាមការបញ្ជាក់របស់លោកស្រី សាន វួចឡេង បានអោយដឹងថា ដីព្រៃខាងលើត្រូវបានជីកករកាយធ្វើក្រវ៉ាត់ព្រុំមានទំហំ415ហិចតា ពេលនេះកំពង់ឈួសឆាយបានប្រហែលជាង30ហិចតាហើយ លោកស្រីបានអោយដឹងថា មុននឹងលោកស្រីយកគ្រឿងចក្រចូលឈូសឆាយដីព្រៃនៅចំណុចខាងលើ លោកស្រីបានដកថវិការចំនួន11មុឺន$មករត់ការជាមួយអាជ្ញាធរស្រុក មន្ទីជំនាញផ្សេងៗជុំវិញខេត្តរួចអស់ហើយ ដោយអោយឈ្មោះពៅ ជាអ្នករត់ការបំបិតមាត់អាជ្ញាធរ មិនដឹងថាអាជ្ញាធរខាងណាខ្លៈបានទទួលសំណូកពុករលួយពីសំណាក់លោកស្រី សាន វួចឡេង ខ្លះទេ ។
ចំណែកឈ្មោះពៅ ដែលទទួលរត់ការជាមួយអាជ្ញាធរ មិនអាចសុំការបញ្ជាក់បានទេ។ កាលពីថ្ងៃ15 ខែកញ្ញា ឆ្នាំ2023 លោកមេភូមិឆែបលិច ឈ្មោះសែនតុន បានចេញលិខិតបញ្ជាក់លើប្លង់កាន់កាប់លើដីព្រៃរបស់រដ្ឋ ខុសនឹងច្បាស់ ខុសនឹងបំរាមរបស់ក្រសួងបរិស្ថានថែមទៀតផង ។
ប្រជាពលរដ្ឋនៅស្រុកជយ័សែនជាច្រើនគ្រួសារបានដាក់ពាក្យបណ្តឹងទៅការិយាលយ័ប្រជាពលរដ្ឋស្រុកជយ័សែន ប្តឹងលោកស្រី សាន វួចឡេង ពីបទយកគ្រឿងចក្រទៅឈូសឆាយនៅលើផលដំណាំរបស់ពួកគាត់ តែរហូតមកដល់ពេលនេះអត់មានអាជ្ញាធរណាចេញមុខដោះស្រាយជូនប្រជាពលរដ្ឋឡូយ។
លោក ឡង់ សុបិន អភិបាលស្រុកឆែប ធ្លាប់បានចុះទៅដល់ទីតាំងដីព្រៃនោៈជាមួយមន្ត្រីបរិស្ថានរួចម្តងហើយតែមិនទាន់មានវិធានការចំព្រោះមេឈ្មួញនោះនៅឡើយទេ ។
លោក មាស ញឹម អនុប្រធានមន្ទីរបរិស្ថានខេត្ត នឹងជាអ្នកនាំពាក្យ បានប្រាប់អោយដឹងថា លោកកំពង់តាមចាប់មេឈ្មួញឈ្មោះ សាន វួចឡេងយកមកផ្តន្ទាទោសតាមច្បាស់ ចំពោះដីនោះ លោកបានក៏សាងសំណុំរឿងបញ្ជូនទៅតុលាការតាមច្បាប់រួចហើយ ។
ឯកឧត្តម សុខ សាន្តតារា អភិបាលរងខេត្ត ទទួលបន្ទុកបរិស្ថាន បានអោយដឹងថា លោកបានទទួលរបាយការណ៍ពីមន្ទីរបរិស្ថានរួចហើយ លោកចាំសុំគោលការណ៍ពីឯកឧត្តម គឹម រិទ្ឋី អភិបាលខេត្តព្រះវិហារសិន ថា តើចាត់វិធានការបែបណាចំពោះករណីដីព្រៃឈើនេះ ។
គេនៅចាំបានថា មុនពេលបោៈឆ្នោតសម្តេចតេជោ បានចេញបទបញ្ជាអោយអាជ្ញាធរថ្នាក់ក្រោមជាតិយកចិត្តទុកដាក់បង្ក្រាបក្រុមឈ្មួញឈូសឆាយដីព្រៃយកធ្វើកម្មសិទ្ឋ តែបទបញ្ជានោះត្រូវបានគេទុកចោលគ្មានប្រសិទ្ឋភាព ។
ប្រជាពលរដ្ឋនៅក្នុងស្រុកឆែបនឹងស្រុកជយ័សែន បានសំណូមពរមកឯកឧត្តម គឹម រិទ្ឋី អភិបាលខេត្តព្រះវិហារ នឹងជាប្រធានគ្រប់គ្រងដីរដ្ឋថ្នាក់ខេត្ត នឹងឯកឧត្តម អៀង ផល្លែតរដ្ឋមន្ត្រីក្រសួងបរិស្ថាន មេតាចាត់ក្រុមការងារថ្នាក់ជាតិចុះបង្ក្រាបមេឈ្មួញឈូសបំផ្លាញព្រៃឈើខាងលើនេះអោយមានប្រសិទ្ឋភាព ជាពិសេសសូមឱ្យអង្គភាពប្រឆាំងអំពើពុករលួយជួយបើកការស៊ើបអង្កេតទៅលើមន្ត្រីពាក់ព័ន្ធនៅក្នុងខេត្តព្រះវិហារផង ៕