ខេត្តសៀមរាប ៖នៅថ្ងៃទី 28 ខែធ្នូឆ្នាំ 2023 ក្រុមអ្នកសារព័ត៌មានយើងបានចុះទៅដល់ទីតាំងដីមួយកន្លែងឃើញត្រាក់ទ័រមួយគ្រឿងកំពុងតែធ្វើសកម្មភាព ឈូសឆាយហើយត្រាក់ទ័រមួយគ្រឿងនោះក្រឡេកឃើញអ្នកសារព័ត៌មានក៏បានរត់គេចយករួចខ្លួនក្រោយមកទៀតនៅថ្ងៃទី 4 ខែកុម្ភៈឆ្នាំ 2024 ក្រុមការងារអ្នកសារ ព័ត៌មានយើងក៏បានចុះទៅផ្តិតយករូបភាពម្ដងទៀតក៏បានឃើញត្រាក់ទ័រចំនួន 2 គ្រឿង។ ពេលពេលនោះក្រុមអ្នកសារព័ត៌មានយើងកំពុងផ្ដិតយករូបភាពក៏មានបុរសម្នាក់តាំងខ្លួនថាជាម្ចាស់ដីហើយក៏បានប្រាប់អ្នកសារព័ត៌មានយើងថាដីនេះគេមានប្លង់ត្រឹមត្រូវ។ ហើយគាត់ក៏បានប្រាប់បន្តទៀតថា ប្លង់របស់គាត់នៅក្នុងទូរស័ព្ទហើយក៏យកប្លង់ក្នុងទូរស័ព្ទនោះបង្ហាញអ្នកសារព័ត៌មាន ។ក្រុមការងារអ្នកសារព័ត៌មានយើងក៏សុំយកប្លង់នោះតាមរយៈតេឡេក្រាមប្លង់នេះគឺម្ចាស់ដើមជាអ្នកផ្ទេរសិទ្ធិនៅភូមិកកោះឃុំល្វែងឬស្សីស្រុកជីក្រែងខេត្តសៀមរាប ត្រូវផ្ទេរសិទ្ធិ និងទទួលស្គាល់ដោយអាជ្ញាធរឃុំល្វែងឬស្សី ស្រុកជីក្រែង ខេត្តសៀមរាប នេះជារឿងចម្លែកមួយអាជ្ញាធរឃុំល្វែងឬស្សីនិងស្រុកជីក្រែង។
ហេតុអ្វីក៏យកដីគ្រប់គ្រងដោយអាជ្ញាធរខេត្តកំពង់ធំយកមកចុះហត្ថលេខានិងប្រថាប់ត្រាដើម្បីបំភាន់ភ្នែកអាជ្ញាធរខេត្តសៀមរាបទៅវិញ ។ ប្រជាពលរដ្ឋនៅក្នុងភូមិកកោះឃុំល្វែងឫស្សីស្រុកជីក្រែងខេត្តសៀមរាប បានសួរមកអង្គភាពសារព័ត៌មានយើងថាហេតុអ្វីដីនៅក្នុងឃុំពពកស្រុកស្ទោងខេត្តកំពង់ធំ បែរជាអាជ្ញាធរខេត្តសៀមរាបហ៊ានលួចធ្វើប្លង់បំភាន់ភ្នែកថ្នាក់លើទៅទៅវិញ អង្គភាពសារព័ត៌មានយើងក៏បានទំនាក់ទំនងទៅលោកអភិបាលស្រុកជីក្រែងថ្មី ប៊ូម៉េងទ្រី លោកឆ្លើយថាអត់ដឹងទេ ។ចុះហេតុអ្វីបុគ្គលម្នាក់នេះរៀបចំឯកសារធ្វើប្លង់តាមរយៈណា?
ប្រជាពលរដ្ឋនៅក្នុងឃុំល្វែងឫស្សីបានស្នើសុំឲ្យអង្គភាពសារព័ត៌មានយើងជួយផ្សព្វផ្សាយទៅដល់ថ្នាក់ដឹកនាំ ខេត្តកំពង់ធំនិងខេត្តសៀមរាបមានវិធានការបែបណាចំពោះជនខិលខូចមួយក្រុមកំពុងតែបំភាន់ផ្នែកថ្នាក់ដឹកនាំខេត្តសៀមរាបដើម្បីលួចធ្វើប្លង់កាន់កាប់ដីមួយកន្លែងធ្វើជាកម្មសិទ្ធិផ្ទាល់ខ្លួនហេតុនេះហើយទើបអង្គភាពសារព័ត៌មានយើងស្នើសុំទៅលោកអភិបាលស្រុកជីក្រែងនិងលោកអភិបាលខេត្តសៀមរាបប្រាក់សោភ័ណ្ឌមេត្តាមានវិធានការចំពោះជនខិលខូចមួយក្រុមនេះផងនិងក្រសួងមហាផ្ទៃឯកឧត្តមអភិសន្តិបណ្ឌិត ស សុខា ដើម្បីមានវិធានការការពារដីសម្បត្តិសាធារណៈរបស់រដ្ឋឲ្យនៅគង់វង្សដូចដើមវិញ នេះហើយជាក្ដីសង្ឃឹមរបស់ប្រជាពលរដ្ឋនៅក្នុងឃុំល្វែងឬស្សី ស្រុកជីក្រែងខេត្តសៀមរាបទៅលើលោកអភិបាលស្រុកថ្មី ប៊ុ ម៉េងទ្រី និងលោកអភិបាលខេត្តសៀមរាបថ្មី ប្រាក់ សោភ័ណ្ឌ ជួយមានវិធានការចំពោះជនខិលខូចមួយគ្រប់នេះផង ជាពិសេសអង្គភាពប្រឆាំងអំពើពុករលួយគួរតែមានចំណាត់ការទៅលើជនខិលខូចមួយក្រុមនេះផងដើម្បីជាគំរូទៅដល់មន្ត្រីល្អៗនៅក្នុងខេត្តសៀមរាបនេះ ផងទៀន៕