សៀមរាប ៖ បុរសជើងខ្លាំងមួយរូបអ្នកស្រុកតែងតែហៅឈ្មោះថាលោក ស៊ុយ តែងតែធ្វើសកម្មភាពជួលត្រាក់ទ័រឈូសឆាយដីជាសម្បត្តិរបស់រដ្ឋ ។បុគ្គលរូបនេះល្បីល្បាញខាងកាងឲ្យឈ្មួញជាអ្នករកស៊ីដីតាមរបៀបទិញលក់និងឃុបឃិតជាមួយអាជ្ញាធរមូលដ្ឋាន និងមន្ត្រីពាក់ព័ន្ធ ។ ហេតុនេះហើយ ទើបប្រជាពលរដ្ឋដែលរស់នៅក្នុងភូមិកកោះឃុំល្វែងឬស្សីស្រុកជីក្រែងខេត្តសៀមរាប បានស្នើសុំឲ្យអង្គភាពសារព័ត៌មានជួយផ្សព្វផ្សាយទៅដល់ថ្នាក់ដឹកនាំបានដឹងអំពីបញ្ហាឈ្មួញឃុបឃិតគ្នាជាមួយជំនាញពាក់ព័ន្ធនិងអាជ្ញាធរមូលដ្ឋានដើម្បីយកដីសម្បត្តិរបស់រដ្ឋធ្វើជាកម្មសិទ្ធិស្របច្បាប់ ផ្ទាល់ខ្លួនពាក់ព័ន្ធបញ្ហានេះដែរទើបអង្គភាពសារព័ត៌មានយើងធ្វើការផ្សព្វផ្សាយ ព័ត៌មាននេះឲ្យដល់ថ្នាក់ដឹកនាំបានដឹងទង្វើរបស់ជនខិលខូចមួយក្រុម តែងតែដើរធ្វើសកម្មភាពកាងអោយត្រាក់ទ័រឈូសឆាយដីហើយនិងរត់ការធ្វើប្លង់តាមរបៀបពុករលួយអាស្រ័យហេតុនេះទើបអង្គភាពសារព័ត៌មានយើងបានទំនាក់ទំនងទៅលោក យុន ប្រុស មេឃុំល្វែងឫស្សី លោកឆ្លើយប្រាប់អ្នកសារព័ត៌មានយើងថាលោកអត់បានដឹងទេចាំឱ្យក្រុមការងារលោកចុះទៅមើល លោក ប៊ូ ម៉េងទ្រី អភិបាលស្រុកជីក្រែង លោកក៏ឆ្លើយប្រហាក់ប្រហែល និងលោក យុន ប្រុស មេឃុំ ល្វែងឬស្សីដែរហើយលោកក៏បានប្រាប់អ្នកសារព័ត៌មានយើងថានឹងឲ្យក្រុមការងារចុះទៅមើល ។
លោកអភិបាលខេត្តសៀមរាប ប្រាក់ សោភ័ណ្ឌ អ្នកសារព័ត៌មានយើងតេទៅ លោកអត់លើកទូរសព្ទទេ ហេតុនេះហើយទើបប្រជាពលរដ្ឋនិងអ្នកសារព័ត៌មានយើងអាចដាក់ការសង្ស័យប្រហែលជាអាជ្ញាធរមូលដ្ឋានថ្នាក់ឃុំ ថ្នាក់ស្រុក និងថ្នាក់ខេត្ត រួមទាំងជំនាញពាក់ព័ន្ធផង ប្រហែលជាចូលរួមអាហារបីពេលជាមួយលោក ស៊ុយ នេះដែរហើយមើលទៅ ?
ការធ្វើសកម្មភាពឈូសឆាយនេះ លោក ស៊ុយ បានប្រាប់មកអ្នកសារព័ត៌មានយើងថា ដីរបស់លោកមានច្បាប់ត្រឹមត្រូវ ពេលអ្នកសារព័ត៌មានយើងសុំការអនុញ្ញាតមើលច្បាប់អនុញ្ញាត លោកទាញទូរស័ព្ទមកឲ្យអ្នកសារព័ត៌មានយើងមើលលិខិតផ្ទេរសិទ្ធិមួយច្បាប់ ដែលមានរូបភាពនៅក្នុងទូរសព្ទមួយសន្លឹកហើយក្រុមការងារអ្នកសារព័ត៌មានយើងក៏សុំការអនុញ្ញាតមើលច្បាប់ដើម បន្តទៀត ក៏ប៉ុន្តែលោក ស៊ុយ គាត់បានឆ្លើយថា គាត់មិនឱ្យមើលច្បាប់ដើមទេ បើចង់មើលទៅមើលនៅសាលាស្រុកជីក្រែងទៅ ។ ហើយគាត់បានបញ្ជាក់យ៉ាងច្បាស់ថា យកតម្កល់នៅសាលាស្រុកជីក្រែងទៅសួរលោកអភិបាលស្រុកជីក្រែង ទៅដឹងហើយ ។
តាមការបញ្ជាក់របស់លោកស៊ុយ ក្រុមការងារអ្នក សាព័ត៌មានយើង ក៏ទូរសព្ទទៅសួរលោកអភិបាលស្រុកជីក្រែងលោក ប៊ូម៉េងទ្រី លោកក៏បានឆ្លើយប្រាប់ អ្នកសារព័ត៌មានយើងវិញថាលោកអត់បានដឹងទេបញ្ហានេះពេលនោះអ្នកសារព័ត៌មានយើងក៏បានទំនាក់ទំនងទៅលោកស៊ុយវិញម្ដងទៀត ពេលនោះលោកស៊ុយឆ្លើយថា លោកតម្កល់នៅរដ្ឋបាលសាលាស្រុកជីក្រែង ហេតុនេះហើយទើបអ្នកសារព័ត៌មានយើងសួរទៅលោកស៊ុយ ម្ដងហើយម្ដងទៀតនេះជាការឆ្លើយបំភាន់អ្នកសារព័ត៌មានយើង។
សូមបញ្ជាក់ផងដែរថា លិខិតផ្ទេរសិទ្ធិមួយសន្លឹកនេះមានឈ្មោះលោក ឌុក លាត និងប្រពន្ធ ង៉ា គន់ ដែលមានផ្ទៃដីសរុប 194566 ម៉ែត្រស្ថិតនៅក្នុងភូមិកកោះឃុំល្វែងឬស្សី ស្រុកជីក្រែង ខេត្តសៀមរាបសូមបញ្ជាក់បន្ថែមទៀតផងដែរថា នៅថ្ងៃទី 28 ខែធ្នូឆ្នាំ 2023 ក្រុមអ្នកសារព័ត៌មានយើងបានចុះ ទៅផ្ដិតយករូបភាព ឃើញមានត្រាក់ទ័រមួយគ្រឿងកំពុងតែធ្វើសកម្មភាពឈូសឆាយពេលនោះត្រាក់ទ័រមួយគ្រឿងបើករត់គេចខ្លាចអ្នកសារព័ត៌មានយើងផ្តិតយករូបភាពនៅថ្ងៃទី 26ខែមករាឆ្នាំ 2024ក្រុមអ្នកសារព័ត៌មានយើងចុះទៅម្ដងទៀតនិងផ្ដិតយករូបភាពហើយក៏រាយការណ៍ជូនលោកមេឃុំល្វែងឬស្សី លោកក៏បានឆ្លើយតបមកវិញថា ដីនេះមិនស្ថិតនៅក្នុងការគ្រប់គ្រងរបស់លោកទេព្រោះនិយាយមការវាស្ថិតនៅក្នុងស្រុកស្ទោងខេត្តកំពង់ធំឯណោះនៅថ្ងៃទី8 ខែកុម្ភៈឆ្នាំ 2024 ក្រុមអ្នកសារព័ត៌មានយើងចុះទៅដល់ទីតាំងបានឃើញត្រាក់ទ័រចំនួន 4 គ្រឿង កំពុងធ្វើសកម្មភាពឈូសឆាយម្ដងទៀត ពេលនោះឃើញបុរសជើងខ្លាំងមួយរូបដែលមានឈ្មោះស៊ុយ ឈរនៅកាងលើដីនោះតែម្ដង សំណួរសួរថាហេតុអ្វីក៏លោក ស៊ុយ មានលិខិតផ្ទេរសិទ្ធិទទួលស្គាល់ដោយអាជ្ញាធរឃុំល្វែងឬស្សី លោកមេឃុំចាស់គឺលោក លួងផន និងជំនាញពាក់ព័ន្ធក្នុងស្រុកជីក្រែងទៀតផង។ និងមានលិខិតមួយច្បាប់ទៀតបញ្ជាក់ពីការបង់ពន្ធ ទទួលស្គាល់ដោយ លោកម៉ៅចៅមុន្នី និងលិខិតទទួលស្គាល់ដោយភូមិបាលស្រុកជីក្រែង លោកណោម សារីផងដែរ ។
នៅថ្ងៃទី 18 ខែកុម្ភៈឆ្នាំ 24 ត្រូវនឹងថ្ងៃអាទិត្យក្រុមការងារអ្នកសារព័ត៌មានយើងចំនួន 4 អង្គភាពបានចុះទៅដល់ទីតាំងដីនោះម្ដងទៀតបានឃើញបុរសខ្លាំងនៅឈរកាងដីដដែល ហើយនិងត្រាក់ទ័រចំនួន 4 គ្រឿងដដែល។
ហេតុនេះហើយទើបប្រជាពលរដ្ឋនិងក្រុមការងារអ្នកសារព័ត៌មានយើងមានការសង្ស័យពាក់ព័ន្ធលិខិតអនុញ្ញាតរបស់អាជ្ញាធរមូលដ្ឋានឃុំល្វែងឬស្សី និងអាជ្ញាធរស្រុកជីក្រែង រួមទាំងអាជ្ញាធរខេត្តសៀមរាបផងដែរជាពិសេសជំនាញពាក់ព័ន្ធ។
សំណូមពរ ឯកឧត្តម ឧបនាយករដ្ឋមន្ត្រី សាយ សំអាលក្រសួងដែនដីនគររូបនីយកម្មនិងសំណង់ មេត្តាជួយមានវិធានកាទប់ស្កាត់ ជនខិលខូចនិងមន្ត្រីមួយចំនួន និងឯកឧត្តម កិត្តិនីតិកោសល បណ្ឌិត ឪម យិនទៀង ទេសរដ្ឋមន្ត្រី រដ្ឋមន្ត្រី ប្រឆាំងអំពើពុករលួយ ជួយមានវិធានការទៅលើជនខិលខូចនិងមន្ត្រីពាក់ព័ន្ធផង ទាន ជាពិសេច សម្ដេច បវរធិបតី នាយករដ្ឋមន្ត្រីកម្ពុជា ហ៊ុន ម៉ាណែតជួយដាក់ មន្ត្រីជំនាញដើម្បីចុះសាវជ្រាវ និងស៊ើបអង្កេត រាល់ការចេញលិខិតអនុញ្ញាតលើដីរបស់រដ្ឋមួយនេះផង ៕