ពលរដ្ឋបានបង្ហើបប្រាប់អ្នកសារព័ត៌មាន ទៀតថា បង្កើតបទល្មើស នេសាទខ្លួនឯងគ្រប់ទីកន្លែង ដើម្បីអោយឈ្មោះ សុខ ជ្រុយ ឈ្មោះផល្លា ឈ្មោះលីន ឈ្មោះ សុក្រ សំបូរ ជាអ្នកអនុវត្តផ្ទាល់ យកផលប្រយោជន៍មកចែកគ្នា ក្នុងផលប្រយោជន៍ ដែលបានមកពី ការបំផ្លាញសម្បត្តិធនធានមច្ឆាជាតិ គឺបែងចែកមួយចំនួនធំ យកទៅជូនលោក(លី ឡា) នាយខណ្ឌរដ្ឋបាលជលផល និងលោក (ងិន ហ៊ុន) ប្រធានមន្ទីរកសិកម្មរុក្ខាប្រមាញ់និងនេសាទ ។
ប្រជាពលរដ្ឋពិតជាមានការសោកស្ដាយ ព្រៃលិចទឹកនៅពេលដែលឃើញរងការកាប់រុករានដើមរាំងដើមតាអ៊ួធំៗ យកទៅជ្រុំធ្វើជាសម្រាស់រាប់ពាន់ដុំ ដើម្បីវារីត្រីកុំចម្រុះចូលនៅរួចហើយចាប់ផ្ដើមហ៊ុំព័ទ្ធ ពីដើមខែកុម្ភៈមករហូត ក្នុងមួយរដូវចាប់ផ្ដើមហ៊ុំចំនួនពីរដង រួចហើយទៅកាប់ព្រៃលិចទឹកដាក់សារជាថ្មី។
មិនដឹងថា ឯកឧត្តមពុំ ស៊ីថា ប្រតិភូរាជរដ្ឋាភិបាលនិងជាប្រធានរដ្ឋបាលជលផល ដឹងហើយឬធ្វើមិនដឹង ឬមួយរងចាំតែបទបញ្ជាពីប្រមុខរាជរដ្ឋាភិបាលចេញបញ្ជាទើបមានចំណាប់ការ ។ ហេតុនេះហើយទើបប្រជាពលរដ្ឋ និងប្រជានេសាទស្នើសុំទៅលោកអភិបាលនៃគណៈអភិបាលខេត្តកំពង់ឆ្នាំងស៊ុន សុវណ្ណារិទ្ធ និងឯកឧត្តម ពុំ ស៊ីថា ប្រតិភូរាជរដ្ឋាភិបាលនិងជាប្រធានរដ្ឋបាលជលផល និងឯកឧត្តម ឌិត ទីណា រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ និងឯកឧត្តម កិត្តិនីតិកោសលបណ្ឌិត ឪម យិនទៀង ទេសរដ្ឋមន្ត្រី រដ្ឋមន្ត្រី ប្រឆាំងអំពើពុករលួយ ជួយដាក់មន្ត្រីក្រោមឱវាទស៊ើបអង្កេតទៅលើលោក តាក់សីហាក់ នាយផ្នែករដ្ឋបាលជលផលផ្សារឆ្នាំងជាអ្នកបង្កើតឲ្យមានបទល្មើសនេសាទ និងលោក លី ឡា នាយខណ្ឌរដ្ឋបាលជលផលខេត្តកំពង់ឆ្នាំងជាអ្នកបើកភ្លើងខៀវ លោក ងិន ហ៊ុន ប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ឆ្នាំងរង់ចាំទទួលផលពីបទល្មើសនេសាទបង្កើតឡើងដោយលោក តាក់ សីហាក់ នាយផ្នែករដ្ឋបាលជលផលផ្សារឆ្នាំងហេតុនេះហើយទើបប្រជាពលរដ្ឋនិងប្រជានេសាទ នៅខេត្តកំពង់ឆ្នាំង ស្នើសុំទៅឯកឧត្តមអភិបាលនៃគណៈអភិបាលខេត្តកំពង់ឆ្នាំង ស៊ុន សុវណ្ណារិទ្ធ នឹងឯកឧត្តម ពុំ ស៊ីថា ប្រតិភរាជរដ្ឋាភិបាល និងជាប្រធានរដ្ឋបាលជលផល ។។
ឯកឧត្តម ឌិត ទីណា រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ ជួយដាក់មន្ត្រីក្រោមឱវាទមើលមន្ត្រីខិលខូចមួយចំនួននៅក្នុងខេត្តកំពង់ឆ្នាំង ផង និងឯកឧត្តម កិត្តិនីតិកោសលបបណ្ឌិត ឪម យិនទៀង ទេសរដ្ឋមន្ត្រី រដ្ឋមន្ត្រីអង្គភាពប្រឆាំងអំពើពុករលួយ ជួយដាក់មន្ត្រីស៊ើបអង្កេតពាក់ព័ន្ធអំពើពុករលួយមន្ត្រីខេត្តកំពង់ឆ្នាំង មួយចំនួន ។ និងស្នើសុំរាជរដ្ឋាភិបាលថ្មី សម្ដេចបវរធិបតី នាយករដ្ឋមន្ត្រីកម្ពុជា ហ៊ុន ម៉ាណែត ជួយមានវិធានការចំពោះមន្ត្រី ខិលខូចមួយចំនួន ដែលមិនយកចិត្តទុកដាក់ថែរក្សាសម្បត្តិធនធានធម្មជាតិនិងមច្ឆាជាតិ ធ្វើឱ្យបាត់បង់ទាំងព្រៃលិចទឹកគ្រប់រដូវវស្សាជាជម្រកត្រីពងកូន និងបណ្ដែតបណ្ដោយឲ្យជនខិលខូចរំលោភយកដីទៅធ្វើស្រែប្រាំងជាសម្បត្តិផ្ទាល់ខ្លួនបន្ថែមទៀត៕
