ពិតជាគួរឱ្យចម្លែកមែនតើរឿងនេះពិតឬក៏មិនពិតសូមសមត្ថកិច្ចជំនាញនិងអាជ្ញាធរពាក់ព័ន្ធជាពិសេសប្រតិភូរាជរដ្ឋាភិបាលជាប្រធានរដ្ឋបាលជលផលមេត្តាជួយបកស្រាយផងទាន កន្លងមកសមត្ថកិច្ច ក៏ដូចជាអ្នកសារពត៌មាន បានចុះទៅឃើញ កាណូតខ្នាតធំៗ 10ម កាណូតឈើ ដែលចេញមកពីឃុំឆ្នុកទ្រូស្រុកបរិបូណ៌ ខេត្តកំពង់ឆ្នាំង និងចេញពីកំពង់ហ្លួង ស្រុកក្រគរខេត្តពោធិ៍សាត់ ជាច្រើនគ្រឿងមកធ្វើសកម្មភាពកាវលៀសនៅ ភូមិសាស្រ្ត កោះតាប្ប ប្រលិចឈើកែង មុខបាឡត កំពង់លួងជាច្រើនគ្រឿងក្នុងមួយថ្ងៃៗ នៅពេលអ្នកសារពត៌មានឬសមត្ថកិច្ចទៅសួរនាំ ក្រុមទូកកាវលៀស ទាំងនោះ បានឆ្លើយថា អាជ្ញាធរខេត្តកំពង់ឆ្នាំបានប្រាប់ពួកគាត់ថា ក្រៅពីតំបន់អភិរក្ស ពួកគាត់មានសិទ្ធរកកន្លែងណាក៏បានដែរ បើមានសមត្តកិច្ចនឹង អ្នកសារពត៌មាន ណាមកថតឬមកចាប់ ប្រាប់ថាអោយថតរូប(អ្នកដែលមកចាប់នឹងអ្នកសារពត៌មានទាំងនោះយកទៅអោយ) អាជ្ញាធរខេត្តកំពង់ឆ្នាំង ឬឱ្យទៅប្រតិភូជលផល ប្រជាពលរដ្ឋដែលធ្លាប់មានការដកពិសោធន៍នៅក្នុងការនេសាទត្រីបើសិនជាបណ្ដែត បណ្ដោយដូចសព្វថ្ងៃនេះទូកដែលកាវលៀសសុទ្ធតែម៉ាស៊ីនធំៗរាប់សិបគ្រឿងធ្វើសកម្មភាពជារៀងរាល់ថ្ងៃ តើមច្ឆាចម្រុះរស់នៅនិងបាតដី វាអាចប៉ះពាល់ធ្ងន់ធ្ងរណាស់។ ទឹក កករខ្វល់ដោយសារតែក្រុមធ្វើសកម្មភាពកាវលៀស បើគិតទៅមច្ឆាចម្រុះដែលរស់នៅពងកូននិងបាតដីជាច្រើនប្រភេទដែរ មិនគួរឯកឧត្តមពុំ ស៊ីថា ប្រតិភូរាជរដ្ឋាភិបាល និងជាប្រធានរដ្ឋបាលជលផលអនុញ្ញាតឲ្យក្រុមកាវលៀសធ្វើសកម្មភាពដូចព្យុះភ្លៀងនៅលើលំហបឹងទន្លេសាបសោះ។ ហេតុនេះហើយទើបអង្គភាពសារព័ត៌មានយើងទទួលសំណើរប្រជាពលរដ្ឋឲ្យជួយផ្សព្វផ្សាយព័ត៌មាននេះទៅដល់ថ្នាក់ដឹកនាំជាពិសេសជំនាញពាក់ព័ន្ធមេត្តាចុះពិនិត្យមើលរាល់សកម្មភាពឈ្មួញខិលខូចទាំងនោះផង។ដោយសារតែមន្ត្រីខិលខូចមួយចំនួនបានឃុបឃិតជាមួយអ្នកមានលុយនិងមាន ឥទ្ធិពលក្នុងការប្រព្រឹត្តបទល្មើសនេសាទ នៅក្នុងចំណុចខាងលើនេះផងទាន។