កណ្ដាល : រោងចក្រវេចខ្ចប់បារីជនជាតិចិនសង្ស័យខុសច្បាប់ បង្កគ្រោះថ្នាក់ និងហានិភ័យខ្ពស់ ដ៏សុខភាព និងសុវត្ថិភាពសង្គមអ្នកប្រើប្រាស់កំពុងតែដំណើរការទាំងយប់ទាំងថ្ងៃហាក់ដូចស្ងប់ស្ងាត់តំណេីរការស្រួយ។
ប្រភពពីកម្មកររោងចក្របារីបានប្រាប់ដល់អង្គភាពសារព័ត៌មានយើងថា ទីតាំងរោងចក្របារីជនជាតិចិននេះគឺជារោងចក្រមួយសម្រាប់វេចខ្ចប់បារីយកនាំចេញទៅបណ្ដាខេត្ត ឬក៏ក្លឹបរាត្រី ក្លឹបកំសាន្ត កាស៊ីណូ និងចេញនាំទៅក្រៅប្រទេសផងដែរ។
បន្តពីកម្មកររោងចក្របារីចិន បានប្រាប់ថែមទៀតថា បារីដែលជនជាតិចិនកំពុងតែផលិតនោះវេចខ្ចប់គឺមានកញ្ចប់ជាអក្សរចិន។
បុរសដែលជាសន្តិសុខមើលការខុសត្រូវរោងចក្របារីចិន បានប្រាប់ទៀតថា រាល់គ្រប់រោងចក្ររបស់ជនជាតិចិនគឺសុទ្ធសឹង តែមិនមានលើកស្លាកយីហោទាំងអស់។
សម្រាប់កម្មករដែលធ្វើការនៅរោងចក្របារីនោះ គឺគេមិនអនុញ្ញាតឲ្យយកទូរសព្ទ ឬក៏កាមេរ៉ា ចូលទៅក្នុងរោងចក្រនោះឡើយ បើសិនជាជនជាតិចិនឃើញមានទូរសព្ទ កាមេរ៉ានឹងត្រូវបញ្ឈប់ឬក៏បណ្ដេញចេញពីការងារភ្លាមៗ / គឺហាមដាច់ខាត /ច្បាប់រោងចក្របារីចិនធ្វើការហាមឃាត់បែបនេះព្រោះខ្លាចគេថតរូបភាពនៅក្នុងរោងចក្រជាសាធារណៈសព្វផ្សាយធ្វើឱ្យបែកការណ៍ផលិតផលបារីក្លែងក្លាយ ទើបពួកចិនៗទាំងនោះព្យាយាមមិនឱ្យកម្មករ កម្មការិនី យកទូរសព្ទឬក៏កាមេរ៉ា ចូលទៅក្នុងរោងចក្រនោះឡើយ។
អង្គភាពយើងខ្ញុំបានទំនាក់ទំនងទៅលោកអភិបាលស្រុកស្អាងសាកសួរព័ត៌មានបន្ថែមពីទីតាំងផលិតវេចខ្ចប់បារីរបស់ជនជាតិចិនតែលោកអភិបាលបានឆ្លើយមិនបានដឹងទេ! គឺទីតាំងមូលដ្ឋានរបស់គាត់គ្មានកន្លែងរោងចក្រវេចខ្ចប់បារីនោះឡើយ។
ហើយលោកបានប្រាប់បន្ថែមទៀតថា ឲ្យពួកយើងសាកសួរទៅលោកមេឃុំព្រែកគយទៅ ដើម្បីបានព័ត៌មានច្បាស់ថែមទៀត ព្រោះលោកឆ្លើយថាមិនបានដឹងទេ។
សូម្បីតែលោកអភិបាលស្រុកស្អាងក៏មិនបានដឹងដែរ តើទីតាំងរោងចក្រវេចខ្ចប់បារីជនជាតិចិនមួយនេះត្រូវច្បាប់ត្រង់កន្លែងណាទេ! សូម្បីតែអាជ្ញាធរមូលដ្ឋានមិនបានដឹងផង។
ទិដ្ឋភាពខាងក្រៅរបស់រោងចក្រវេចខ្ចប់បារីចិនស្ងប់ស្ងាត់ ដូចជារោងចក្រធម្មតា តែបើខាងក្នុងវិញគឺមានឃ្លាំងពីរធំៗសម្រាប់កម្មករចិនខ្មែរវេចខ្ចប់ផលិតបារីចិន យ៉ាងសកម្ម ២៤ ម៉ោងលើ ២៤ម៉ោង គឺមានការផ្លាស់ប្ដូរវេនគ្នារហូត។
ប្រជាពលរដ្ឋដែលរស់នៅចិត្តនោះ បានប្រាប់ថាឃើញមានរថយន្តទ្រង់រថយន្តប្រភេទកុងតឺន័រចេញចូលនៅពេលយប់អាធ្រាតជារៀងរាល់យប់ផងដែរ ដើម្បីប្រមូលយកបារីទាំងនោះនាំចេញទៅខាងក្រៅ។
ដូចនេះមហាជនសូមសំណូមពរដល់អាជ្ញាធរពាក់ព័ន្ធ លោកហួត វណ្ណថូ ប្រធានមន្ទីរឧស្សាហកម្ម វិទ្យាសាស្ត្របច្ចេកទេស ឧត្តមសេនីយ៍ត្រី លី សុជាតិ ស្នងការរងទទួលផែនការនគរបាលប្រឆាំងបទល្មើសសេដ្ឋកិច្ច និងនាយឧត្តមសេនីយ៍ មៀច សុផាន់ណា ប្រធានគណៈកម្មការប្រយុទ្ធប្រឆាំងផលិតផលក្លែងក្លាយ គ.ប.ផ.ក ជាពិសេសលោកជំទាវ ចមនិមល ប្រធានគណៈកម្មការជាតិការពារអ្នកប្រើប្រាស់ មេត្តាចាត់មន្ត្រីពាក់ព័ន្ធ ត្រួតពិនិត្យចំពោះរោងចក្របារីចិនដូចបានជម្រាបខាងលើ ដើម្បីមានវិធានការនិងបង្ក្រាប់ឲ្យទាន់ពេលវេលាចំពោះផលិតផលក្លែងក្លាយ ដែលបង្កគ្រោះថ្នាក់មានហានិភ័យដល់សុខភាពនិងសុវត្ថិភាពសង្គម៕