កណ្ដាល៖ប្រភពពីរអាជីវករបានទំលាយភាពមិនប្រក្រតី របស់ប្រធានគយបង់ក្រហមដែលប្រចាំការនៅភូមិជ្រៃធំ សង្កាត់សំពៅពូន ក្រុងសំពៅពូនខេត្តកណ្ដាល ប្រព្រឹត្តិអំពើពុករលួយ ដាក់ឱ្យកូនចៅអង្គុយចាំរាប់ក្បាលឡានយកលុយ ក្នុងឡាននីមួយៗរាប់ពាន់ដុល្លារទៅរាប់ម៉ឺនដុល្លារក្នុងមួយខែៗឲ្យចូលបង់លុយតាមការកំណត់ មិនតវ៉ាបានឡើយ។
ប្រភពបន្តទៀតថា ទំនិញដែលឈ្មួញធំៗ ដឹកជញ្ជូនពីព្រំដែនប្រទេសវៀតណាម ឆ្លងកាត់ចូលទៅភ្នំពេញ តាមផ្លូវជាតិលេខ 21Aមានដូចជា បន្លែផ្លែឈើ ភេសជ្ជៈច្រើនប្រភេទ មី គ្រឿងកំប៉ុង ច្រើនមុខ នឹងសំភារះ ប្រើប្រាស់អេនិចត្រនិច និងគ្រឿងសំណង់ ផងដែរ។ ហើយទំនិញដែលឈ្មួញតូចធំ ដឹកជញ្ជូនពីប្រទេសវៀតណាម ឆ្លងកាត់សាខាគយបងក្រហម បង់ពន្ធយ៉ាងច្រើនត្រឹម ៤០ ទៅ៥០ ភាគរយប៉ុណ្ណោះ ហើយក្រៅពីនេះ ឈ្មួញបែងចែកផលប្រយោជន៍ជាមួយលោកស៊ីម៉េង ប្រធានការិយាល័យគយបងក្រហម ជាថ្នូរមិនបង្រ្កាបក្នុងការរត់ពន្ធទំនិញ។ ប្រភពពីឈ្មួញអ្នករកស៊ីដឹកទំនិញតូចធំក្នុងក្រុងសំពៅពូន បានបង្ហេីបឲ្យដឹងថា ពួកគេត្រូវបង់លុយតាមក្បាលឡានហើយនិងវេរលុយដាក់ខែជាប្រចាំខែផ្សេងទៀតទៅឲ្យលោកស៊ីម៉េង ប្រធានការិយាល័យគយបងក្រហមគឺចាប់ពី2000 ដុល្លាររហូតដល់ 9000 ដុល្លារតាមខែដឹកទិចដឹកច្រើន បើមិនដូច្នោះទេ ទោះអីវ៉ាន់ត្រូវច្បាប់ក៏លោកស៊ីម៉េងបញ្ជាឲ្យកូនចៅចុះបង្ក្រាបភ្លាមនិងដកហូតផាកវិន័យយ៉ាងធ្ងន់ធ្ងរ។
ប្រជាពលរដ្ឋក៏ដូចជាអាជីវករដែលរស់នៅក្រុងសំពៅពូនសូមសំណូមពរ ដល់ឯកឧត្តម អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ជាពិសេស ឯកឧត្តមកិត្តិនីតិកោសលបណ្ឌិត អោម យិនទៀង ទេសរដ្ឋមន្ត្រី រដ្ឋមន្ត្រី ប្រឆាំងអំពើពុករលួយ មេត្តាដាក់មន្ត្រីក្រោមឱវាទ ចុះស៊ើបអង្កេតឲ្យបានស៊ីជម្រៅ ទៅលោកស៊ីម៉េងប្រធានការិយាល័យគយបង់ក្រហមកំពុងល្បីល្បាញខាងប្រព្រឹត្តអំពើពុករលួយនេះ ផងទៀន អង្គភាពសារព័ត៌មានយើងរង់ចាំការបកស្រាយរាល់ម៉ោងធ្វើការរបស់សមីខ្លួនដែលជាប់ពាក់ព័ន្ធហើយសូមបញ្ជាក់ថា រាល់ការផ្សាយ របស់អង្គភាពយើងខ្ញុំ ក្នុងន័យរិះគន់ ដើម្បីស្ថាបនា មិនមានចេតនាណាមួយ រិះគន់ ដើម្បីជាន់ពន្លិច ទៅលើមន្ត្រីសាធារណៈ ណាមួយឡើយ៕
